27 ივლისიდან 4 აგვისტოს ჩათვლით, ქალაქ წყალტუბოში, ახალგაზრდული საბჭოების წევრების კომპეტენციის ამაღლების მიზნით, ტრენინგები მიმდინარეობს. ტრენინგები სამ ეტაპად ტარდება და მონაწილეებს საშუალებას აძლევს შეისწავლონ პროექტის მომზადების და მართვის, აქტიური მოქალაქეობის, ურთიერთობების განვითარების და მართვის ტექნიკები. ტრენინგებში 60 ახალგაზრდული საბჭოს წევრი და 10 რეგიონული ჰაბის წარმომადგენელი მიიღებს მონაწილეობას.
ტრენიგები ორგანიზებულია განათლების განვითარების და დასაქმების ცენტრის (EDEC) მიერ, ევროკავშირისა და კონრად ადენაუერის ფონდის ფინანსური მხარდეჭერით, პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში.
