ახალი სახელმძღვანელოს „სპეციალური საჭიროების მქონე ბავშვთა სკოლაში ტრანზიციის ხელშეწყობა” პრეზენტაცია გაიმართა

სპეციალური საჭიროების მქონე ბავშვების მშობლებისთვის და მათთან მომუშავე მასწავლებლებისთვის ახალი სახელმძღვანელო მომზადდა, რომელიც ბავშვებს სკოლის გარემოსთან შეგუებაში დაეხმარება. სახელმძღვანელოს პრეზენტაცია „განათლების განვითარების და დასაქმების ცენტრმა” (EDEC) 30 იანვარს გამართა.

სახელმძღვანელო „სპეციალური საჭიროების მქონე ბავშვთა სკოლაში ტრანზიციის ხელშეწყობა” ორიენტირებულია დაეხმაროს სპეციალური საჭიროების მქონე ბავშვების განათლებასა და მხარდაჭერაში ჩართულ პირებს, რათა ბავშვის სკოლაში ტრანზიცია უმტკივნეულოდ მოხდეს. გზამკვლევი ეფუძნება ინკლუზიურობის პრინციპს, რომელიც ყველა ბავშვის სწავლისა და განვითარებისთვის თანაბარი შესაძლებლობების შექმნას გულისხმობს.

გზამკვლევში ნაჩვენებია კონკრეტული შემთხვევების მაგალითზე, ბავშვის სკოლაში გადაყვანის წარმატებული მაგალითები. წიგნზე მუშაობისას ავტორებმა შეისწავლეს და გააანალიზეს ინკლუზიური განათლების ეფექტიანობისთვის ხელისშემშლელი ფაქტორები და გამოავლინეს საჭიროებები, რომელიც სკოლას დაეხმარება სპეციალური საჭიროების მქონე ბავშვი უფრო აქტიურად ჩართოს სასწავლო პროცესში.

სახელმძღვანელოზე მუშაობის ფარგლებში 10 ფოკუს–ჯგუფი ჩატარდა, მასში დღის ცენტრების მომსახურებასა და სხვა ალტერნატიულ სერვისებში ჩართული შეზღუდული შესაძლებლობის მქონე ბავშვების მშობლები, სერვის პროვაიდერები და საგანმანათლებლო დაწესებულების წარმომადგენლები მონაწილეობდნენ. ისინი სახელმძღვანელოს ავტორებთან ერთად მუშაობდნენ არსებული გამოწვევების გამოსავლენად.

სახელმძღვანელოს პრეზენტაციას ინკლუზიურ განათლების პროცესში ჩართული საგანმანათლებლო დაწესებულებების, ბაღების, სკოლების, საგანმანათლებლო რესურსცენტრების, ბაღების გაერთიანების წარმომადგენლები და სხვა დაინტერესებული პირები დაესწრნენ. სახელმძღვანელოს ელექტრონული ვერსია ხელმისაწვდომი იქნება ყველა დაინტერესებული მხარისათვის.

დამხმარე სახელმძღვანელო პროექტის „განათლების თანაბარი შესაძლებლობები შშმ ბავშვებისთვის – გაზრდილი ხელმისაწვდომობა და ხარისხი!“ ფარგლებში მომზადდა. პროექტის შემაჯამებელი ანგარიში 30 იანვარს „განათლების განვითარების და დასაქმების ცენტრის“ (EDEC) აღმასრულებელმა დირექტორმა ნათია ნამიჭეიშვილმა წარადგინა:

„პროექტის მიზანია შეზღუდული შესაძლებლობის მქონე ბავშვთა ინკლუზიური განათლების პროცესში ჩართვის ხელშეწყობა. ეს გზამკვლევიც არის პრაქტიკული სახელმძღვანელო, რომელიც ბავშვის სკოლაში ტრანზიციას ყველა მხარისთვის გააიოლებს”.- განაცხადა ნათია ნამიჭეიშვილმა.

პროექტს განათლების განვითარების და დასაქმების ცენტრი (EDEC) ევროკავშირისა და სამოქალაქო საზოგადოების ინსტიტუტის მხარდაჭერით 2018 წლის აპრილიდან 2019 წლის იანვრამდე ახორციელებდა.

2024 წლის 16 აპრილს, პროექტის „სოციალური მეწარმეობის უნარების გაძლიერება პროფესიულ სასწავლებლებში“ ფარგლებში, საპილოტედ შერჩეულ კოლეჯ “კონსტრუქტ2” სტუდენტებთან საინფორმაციო შეხვედრა გაიმართა. შეხვედრის მიზანი იყო მონაწილეებისთვის
„პროექტის განხორციელებით ახალგაზრდები გაანალიზებენ მოხალისეობის არს და მნიშვნელობას პიროვნების განვითარებასა და საზოგადოების ცხოვრების ხარისხის გაუმჯობესებაში, ასევე, პროექტის ფარგლებში მათ ექნებათ შესაძლებლობა თანატოლების ინტერესის შესაბამისად
2024 წლის 17 აპრილს, პროექტის „სოციალური მეწარმეობის უნარების გაძლიერება პროფესიულ სასწავლებლებში“ ფარგლებში, საპილოტედ შერჩეულ კოლეჯ “განთიადის” სტუდენტებთან საინფორმაციო შეხვედრა გაიმართა. შეხვედრის მიზანი იყო მონაწილეებისთვის
Skip to content