ბაღდათში სოციალური ინკლუზიის ცენტრი გაიხსნება

განათლების განვითარების და დასაქმების ცენტრი (EDEC), იაპონიის საელჩოს ფინანსური მხარდაჭერით და ბაღდათის მუნიციპალიტეტის მერიასთან თანამშრომლობით, სოფელ ზედა დიმში, სოციალური ინკლუზიის ცენტრს გახსნის.

ცენტრი ბაღდათის მუნიციპალიტეტში მცხოვრებ 18-დან 45 წლამდე 30 შეზღუდული შესაძლებლობის მქონე პირს მოემსახურება.

სოციალური ინკლუზიის ცენტრის მიზანს შეზღუდული შესაძლებლობის მქონე პირების ინდივიდუალური განვითარებისა და საზოგადოებრივ ცხოვრებაში ჩართვის ხელშეწყობა წარმოადგენს, რაც თავის მხრივ შშმ პირთა საყოფაცხოვრებო და სოციალური უნარ–ჩვევების გამომუშავების, გარემოში ადაპტაციის მექანიზმებისა და დამოუკიდებლად ცხოვრების უნარების განვითარების შესაძლებლობაა.

სოციალური ინკლუზიის ცენტრში შშმ პირები მიიღებენ სხვადასხვა თერაპიულ მომსახურებას. ასევე, შშმ პირებს და მათი ოჯახის წევრებს მიეწოდებათ დასაქმების მხარდამჭერი სერვისები.

სოციალური ინკლუზიის ცენტრის გახსნა 2023 წლის აპრილშია დაგეგმილი.

 

16 მაისს, კოლეჯში „იბერია“ ღია კარის დღე გაიმართა, რომელმაც სხვადასხვა პროფესიით დაინტერესებული ქუთაისის საჯარო სკოლების (41; 9; 33; 29; 17) მოსწავლეები გააერთიანა. პროფესიებით დაინტერესებულ
„ჩემი იდეა იყო შემექმნა საბანაკე ტიპის ორთვიანი აკადემია, სადაც სკოლის მოსწავლეები ნულოვანი გამოცდილებით დაიწყებდნენ ყველა იმ უნარის შესწავლას და გამოყენებას, რომელიც წაახალისებდა და გააუმჯობესებდა
ფესიული პროგრამების პოპულარიზაციის მიზნით, კოლეჯ კონსტრუქტ2ში საგანმანათლებლო პროგრამების ღია კარის დღე მოეწყო. ღონისძიებას 200-მდე ზესტაფონისა და ხარაგაულის სკოლის მოსწავლე დაესწრო, რომლებიც ადგილზე გაეცნენ ამომწურავ
Skip to content