გააცანი შენი ქალაქი სტუმარს – ედეკმა ახალი კამპანია დაიწყო

განათლების განვითარების და დასაქმების ცენტრი (EDEC) ახალი კამპანიის „გააცანი შენი ქალაქი სტუმარს“ ფარგლებში, 30 ივლისს ქუთაისის საერთაშორისო აეროპორტში ჩამოსულ სტუმრებს მასპინძლობდა.

განათლების განვითარების და დასაქმების ცენტრმა ორმხრივი მოხალისეობის პლატფორმის „დროის ბანკი“ საშუალებით იპოვა მოხალისეები, რომლებიც ქუთაისის საერთაშორისო აეროპორტში ჩამოსულ სტუმრებს დახვდნენ და მათ ტურისტული საინფორმაციო მასალები გაუზიარეს. მოხალისეებთან ერთად სტუმრებს ნათია ნამიჭეიშვილი, განათლების განვითარების და დასაქმების ცენტრის აღმასრულებელი დირექტორი და ნინო თვალთვაძე, ქუთაისის მერის მოადგილე მასპინძლობდნენ.

კამპანიის მიზანია, ხელი შეუწყოს ორმხრივი მოხალისეობის პლატფორმის „დროის ბანკის“ პოპულარიზაციას. კამპანია სრულად ეფუძნება მოხალისეობრივ რესურსს. განათლების განვითარების და დასაქმების ცენტრი (EDEC) მიიჩნევს, რომ მოხალისეობის კულტურის გაძლიერება სამოქალაქო საზოგადოების გაძლიერების ერთ–ერთი მნიშვნელოვანი კომპონენტია.

კამპანია ასევე მიზნად ისახავს ქუთაისის ტურისტული პოტენციალის განვითარებას, რომ ქალაქი არ იქცეს მხოლოდ სატრანსპორტო ჰაბად იმ სტუმრებისთვის, ვინც საქართველოში ქუთაისის საერთაშორისო აეროპორტის გავლით ჩამოდის. კამპანიის ამბიციური ამოცანაა, სტუმრები მსოფლიოს სხვადასხვა ნაწილიდან დარჩნენ ქალაქში და გაეცნონ ქუთაისის და მისი შემოგარენის ისტორიულ და კულტურულ ღირსშესანიშნაობებს.

კამპანიისთვის საჭირო საინფორმაციო მასალები განათლების განვითარების და დასაქმების ცენტრს ქუთაისის ტურიზმის ცენტრმა მიაწოდა.

Share on facebook
Share on twitter
Share on linkedin
2022  წლის 21 მაისს, ევროკავშირის მიერ მხარდაჭერილი პროექტის „სამოქალაქო საზოგადოების ინიციატივა“ ფარგლებში, განათლების განვითარების და დასაქმების ცენტრის (EDEC) და შიდა ქართლის რეგიონული ჰაბის –
დღეს, კიდევ ერთი წარმატებული დასაქმების შესახებ გიამბობთ. 22 წლის ანანო გუმბერიძემ პროექტის შესახებ მეგობრისგან შეიტყო, ქუთაისის დასაქმების ცენტრში მივიდა და დასაქმების კონსულტანტებთან გასაუბრება გაიარა.
ვაკანსიის დასახელება: საგურამოს შეზღუდული შესაძლებლობის მქონე ბავშვთა და პირთა დღის ცენტრის პედაგოგი ვაკანსიის ადგილმდებარეობა: საგურამო მომწოდებელი: განათლების განვითარების და დასაქმების ცენტრი გამოქვეყნების თარიღი:  2022
Skip to content