დღის ცენტრები ჩვეულ რიტმს დაუბრუნდა

ხანგრძლივი პაუზის შემდგომ, COVID-19 რეგულაციების წესების სრული დაცვით, განათლების განვითარებისა და დასაქმების ცენტრთან არსებული შეზღუდული შესაძლებლობის ბავშვთა და პირთა დღის ცენტრების მუშაობა განახლდა!

მონატრებულ გარემოში, ყველა ბენეფიციარი სიხარულით და დადებითი ემოციებით დაბრუნდა. მათ განწყობაზე გახსნის დღეს კომპანია ლუკლენდის ანიმატორებიც ზრუნავდნენ, ფერად–ფერად და მხიარულ აქტივობებში ყველა ჩაერთო და გაერთო. გულწრფელი და დადაბითი ემოციებთ დაიმუხტა, როგორც დღის ცენტრების წევრები, ასევე მათი მშობლები და პედაგოგები. ნანატრი დღე, დაბრუნების, მოლოდინის და განახლების დღე მართლაც შთამბეჭდავი იყო ყველასთვის.

სადღეისოდ ქუთაისის, საგურამოს, თერჯოლის და სამტრედიის დღის ცენტრებს 74 ბენეფიციარი ჰყავს. დღის ცენტრების მომსახურებით, როგორც 18 წლამდე ასაკის, ასევე 18 წელს ზემოთ მყოფი შშმ პირები სარგებლობენ, მათთვის დღის ცენტრების ფუნქციონირება უმნიშვნელოვანესია.

დღის ცენტრებში შშმ ბავშვებსა და პირებს ექმნებათ თვითრეალიზაციისთვის ადაპტირებული და კომფორტული გარემო. დღის ცენტრების მომსახურეობა ითვალისწინებს ინდივიდუალური ფუნქციური, სოციალური, საყოფაცხოვრებო და სახელობო–პროფესიული უნარების განვითარებას, მორგებული ადაპტირებული ავეჯით სარგებლობას, ორჯერად კვებას, ტრანსპორტირებას შინიდან ცენტრში მიყვანის და უკან დაბრუნების მიზნით, ოკუპაციური თერაპევტისა და ნევროპათოლოგის კონსულტაციას, კულტურულ და სპორტულ-გამაჯანსაღებელ ღონისძიებებში ჩართვას, საჭიროების შემთხვევაში – ამბულატორიული სამედიცინო და ფსიქოლოგიური მომსახურების ორგანიზებას.

იმედს ვიტოვებთ დღის ცენტრები კვლავ ჩვეული აქტიურობით გააგრძელებენ ფუნქციონირებას და მსოფლიო გამოწვევების წინაშე არასოდეს აღმოვჩნდებით.

განათლების განვითარებისა და დასაქმების ცენტრმა (EDEC) დღის ცენტრების გახსნა 2009 წლიდან დაიწყო. EDEC–ს ამ სფეროში მოღვაწეობის დიდი გამოცდილება აქვს და წარმატებით აგრძელებს დღის ცენტრების ოპერირაებასა და განვითარებას.

დღის ცენტრების პროგრამა ხორციელდება განათლების განვითარების და დასაქმების ცენტრის მიერ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო, სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს მხარდაჭერით.

Share on facebook
Share on twitter
Share on linkedin
გაცნობითი ხასიათის შეხვედრა EDEC-ის საქმიანობისა და საჯარო გამოსვლებისა და დებატების კურსის შესახებ პრეზენტაციას მიეძღვნა. მონაწილეებმა კურსის პროგრამა დეტალურად გაიცნეს  და მათთვის საინტერესო კითხვებზე პასუხები
13 ოქტომბერს პროექტის „ჩემი სახლის მმართველი–შესაძლებლობები ნდობის მშენებლობისთვის (ჰაუსმასტერი4)“ ონლაინ პრეზენტაცია გაიმართა. ღონისძიება განათლების განვითარების და დასაქმების ცენტრის (EDEC) გამგეობის თავმჯდომარემ ლიკა კილაძემ გახსნა
13 ოქტომბერს პროექტის “ისწავლე დასაქმებისთვის!” ფარგლებში რიგით მეოთხე საკოორდინაციო შეხვედრა გაიმართა. შეხვედრა მიზნად ისახავდა პროექტის ფარგლებში ბოლო ერთი წლის განმავლობაში განხორციელებული აქტივობების და მიღწეული
Skip to content