ევროკავშირის ელჩი საქართველოში კარლ ჰარცელი ზუგდიდში სამეწარმეო სკოლის კურსდამთავრებულს ესტუმრა

მიშა ჩხოლარია ახალგაზრდა მეწარმეა, რომლის საწარმო „რა ვაჩუქო“ ხელნაკეთ სუვენირებს აწარმოებს. მიშა ჩხოლარიამ საწარმო „აწარმოე საქართველოს” ფარგლებში დააფუძნა, საწარმოს მართვისთვის საჭირო უნარებს კი ზუგდიდის სამეწარმეო სკოლაში სწავლის დროს დაეუფლა. ელჩის ვიზიტს ესწრებოდნენ სამეწარმეო სკოლის სხვა კურსდამთავრებულებიც – ირინა ყორშია და ციცინო შენგელია, მათი საქმიანობაც ასევე ხელნაკეთი ნივთების წარმოებასთანაა დაკავშირებული.

ევროკავშირის ელჩი საქართველოში კარლ ჰარცელი ასევე ეწვია განათლების განვითარების და დასაქმების ცენტრის ზუგდიდის ადგილობრივ ოფისს. ელჩი დუალური პროფესიული საგანმანათლებლო კურსის მსმენელებს, ტრენერებს და პოტენციურ დამსაქმებლებს, ხობში სასტუმროს „დივანი” მფლობელს გიორგი გვასალიას და სამეგრელო–ზემო სვანეთის რეგიონში სუპერმარკეტების ქსელის „სპარ საქართელოს“ დირექტორს გიორგი ნარმანიას შეხვდა.

სამეწარმეო სკოლა და დუალური პროფესიული საგანმანათლებლო კურსი ორგანიზაებულია პროექტს „ევროკავშირი ახალგაზრდებისთვის – ახალგაზრდების განათლების, დასაქმებისა და ჩართულობის ხელშეწყობა საქართველოსა და უკრაინის კონფლიქტით დაზარალებულ რეგიონებში“ ფარგლებში. პროექტს ევროკავშირის ფინანსური მხარდაჭერით, განათლების განვითარებისა და დასაქმების ცენტრი (EDEC) ლტოლვილთა დანიის საბჭოსთან (DRC) ერთად ახორციელებს.

განათლების განვითარების და დასაქმების ცენტრმა (EDEC), ახალციხის ახალგაზრდული საბჭოს წევრებისთვის ვორქშოფი გამართა თემაზე „ახალგაზრდული საქმიანობის ფუნქცია, როლი და სარგებელი მუნიციპალური ახალგაზრდული საქმიანობის განვითარების პროცესში“,  რომლის მიზანს
ელისო თეიმურაზიშვილი ამჟამად საქართველოს ფოსტაში სერვის ცენტრის გაყიდვების ოპერატორის პოზიციაზე მუშაობს. „ ადამიანები ხშირად, ერთ ადგილას ყოფნას ვეჩვევით. წინ წასვლის დიდი სურვილი გვაქვს, მაგრამ გვეშინია.
განათლების განვითარების და დასაქმების ცენტრმა (EDEC), რეგიონულ ჰაბ ორგანიზაციებთან თანამშრომლობით და მოწვეული ექსპერტების მონაწილეობით,  ზუგდიდის, ბათუმის, ლანჩხუთის, ბოლნისის და ბაღდათის  ახალგაზრდული საბჭოს წევრებისთვის ვორკშოფები
Skip to content