ზუგდიდის სამეწარმეო სკოლის კურსდამთავრებულებს ევროკავშირის ელჩმა სერტიფიკატები გადასცა

19 ახალგაზრდას ზუგდიდის სამეწარმეო სკოლიდან ევროკავშირის ელჩმა საქართველოში კარლ ჰარცელმა, სკოლის დასრულების ნიშნად, სერტიფიკატები გადასცა. ელჩთან ერთად კურსდამთავრებულები სერტიფიკატებით ლტოლვილთა დანიის საბჭოს სამხრეთ კავკასიის წარმომადგენლობის დირექტორმა ვინსენტ დონტოტმა დააჯილდოვა.

სერტიფიკატების გადაცემის ცერემონია ხის გადამამუშავებელ საწარმოში ,,მადერა ჯორჯია” გაიმართა. სამეწარმეო სკოლის კურსამთავრებულები საწარმოში სასწავლო ვიზიტით იმყოფებოდნენ. საწარმოს დირექტორმა ბესო მატკავამ ევროკავშირის ელჩთან ერთად სამეწარმეო სკოლოს მსმენელებს საწარმოს საქმიანობა გააცნო, მისი დაარსების ისტორია მოუყვა და მათ მიერ წარმოებული პროდუქციის ევროკავშირის ქვეყნებში ექსპორტზე ესაუბრა.

სამეწარმეო სკოლის ფარგლებში მსმენელებმა ზოგადი მენეჯმენტის და ბიზნესის დაგეგმვის. მარკეტინგის, რესურსებისა და ფონდების მოძიების, ფინანსური მართვის, ბიზნესის ადმინისტრირებასთან დაკავშირებული სამართლებრივი საკითხების შესახებ ტრენინგები გაიარეს.

სამეწარმეო სკოლის მსმენელებმა თავიანთი ბიზნესიდეების დასახვეწად ინდივიდუალური, საჭიროებებზე დაფუძნებული კონსულტაციები, მენტორისა და ქოუჩის მხარდაჭერა მიიღეს. სამეწარმეო სკოლის ფარგლებში მსმენელები სასწავლო ვიზიტით სხვადასხვა კომპანიაში იმყოფებოდნენ.

სამეწარმეო სკოლა ზუგდიდში პროექტის „ევროკავშირი ახალგაზრდებისთვის – ახალგაზრდების განათლების, დასაქმებისა და ჩართულობის ხელშეწყობა საქართველოსა და უკრაინის კონფლიქტით დაზარალებულ რეგიონებში“ ფარგლებში დაფუძნდა.

პროექტის მიზანია იძულებით გადაადგილებული და კონფლიქტის შედეგად დაზარალებული ახალგაზრდების საზოგადოებაში მონაწილეობა გაძლიერდეს.

პროექტს „ევროკავშირი ახალგაზრდებისთვის – ახალგაზრდების განათლების, დასაქმებისა და ჩართულობის ხელშეწყობა საქართველოსა და უკრაინის კონფლიქტით დაზარალებულ რეგიონებში“ ევროკავშირის ფინანსური მხარდაჭერით, განათლების განვითარებისა და დასაქმების ცენტრი (EDEC) ლტოლვილთა დანიის საბჭოსთან (DRC) ერთად ახორციელებს.

განათლების განვითარების და დასაქმების ცენტრმა (EDEC), ახალციხის ახალგაზრდული საბჭოს წევრებისთვის ვორქშოფი გამართა თემაზე „ახალგაზრდული საქმიანობის ფუნქცია, როლი და სარგებელი მუნიციპალური ახალგაზრდული საქმიანობის განვითარების პროცესში“,  რომლის მიზანს
ელისო თეიმურაზიშვილი ამჟამად საქართველოს ფოსტაში სერვის ცენტრის გაყიდვების ოპერატორის პოზიციაზე მუშაობს. „ ადამიანები ხშირად, ერთ ადგილას ყოფნას ვეჩვევით. წინ წასვლის დიდი სურვილი გვაქვს, მაგრამ გვეშინია.
განათლების განვითარების და დასაქმების ცენტრმა (EDEC), რეგიონულ ჰაბ ორგანიზაციებთან თანამშრომლობით და მოწვეული ექსპერტების მონაწილეობით,  ზუგდიდის, ბათუმის, ლანჩხუთის, ბოლნისის და ბაღდათის  ახალგაზრდული საბჭოს წევრებისთვის ვორკშოფები
Skip to content