ზუგდიდში მზარეულის კურსის მონაწილეთა სერტიფიცირების გამოცდა გაიმართა

14 ივლისს, განათლების განვითარების და დასაქმების ცენტრის (EDEC) დუალური პროფესიული პროგრამის ფარგლებში, ზუგდიდში მზარეულის კურსის მონაწილეთა სერტიფიცირების გამოცდა გაიმართა.

მზარეულის დუალური პროფესიული მოკლევადიანი მომზადება-გადამზადების სასწავლო პროგრამაში 10 ადამიანი მონაწილეობდა.

პროგრამის მიზანია ბენეფიციარებს განუვითაროს მზარეულის პროფესიული კვალიფიკაციის შესაბამისი ცოდნა და უნარები.

პროგრამის მონაწილეებს სასერტიფიკაციო გამოცდა სასტუმრო „გარდენ პალასის“ ბაზაზე ჩაუტარდათ. კომისიის წევრებს ქონდათ შესაძლებლობა ინდივიდუალურად შეეფასებინათ თითოეული მონაწილის ცოდნა და უნარ–ჩვევა რეალურ სამუშაო გარემოში იმიტირებული პროცესით, რომელიც მოიცავდა:

• კერძის დამოუკიდებლად, ჰიგიენურად და დროულად მომზადება;
• გემოების ბალანსირება და კრეატიულობა;
• მზა კერძის დიზაინი;
• ბოსტნეულის დამუშავება დანის სწორად გამოყენებით.

კურსდამთავრებულები სამთვიან ანაზღაურებად სტაჟირებას სამეგრელოს რეგიონის კვების სხვადასხვა ობიექტებში გაივლიან.

პროგრამა პროექტის – „ევროკავშირი ახალგაზრდებისთვის – ახალგაზრდების განათლების, დასაქმებისა და ჩართულობის ხელშეწყობა საქართველოსა და უკრაინის კონფლიქტით დაზარალებულ რეგიონებში“ ფარგლებში ხორციელდება.

პროექტი იძულებით გადაადგილებული და კონფლიქტის შედეგად დაზარალებული ახალგაზრდების საარსებო წყაროების გაძლიერებასა და საზოგადოებრივ ცხოვრებაში მათი აქტიური მონაწილეობის ხელშეწყობას, ასევე, განათლების, დასაქმებისა და სამეწარმეო საქმიანობებში მათი ჩართვის ხელმისაწვდომობის გაზრდას ისახავს მიზნად.

პროექტი „ევროკავშირი ახალგაზრდებისთვის – ახალგაზრდების განათლების, დასაქმებისა და ჩართულობის ხელშეწყობა საქართველოსა და უკრაინის კონფლიქტით დაზარალებულ რეგიონებში“ ლტოლვილთა დანიის საბჭოსა (DRC) და განათლების განვითარებისა და დასაქმების ცენტრის (EDEC) მიერ, ევროკავშირის ფინანსური მხარდაჭერით ხორციელდება.

 

29 თებერვალს, განათლების განვითარების და დასაქმების ცენტრის (EDEC) მიერ, პროექტის „ჩემი სახლის მმართველი – პროფესიული კვალიფიკაცია“ ფარგლებში ონლაინ შეხვედრა მოეწყო, რომლის მიზანია მონაწილეებისთვის სამდონიანი
2024 წლის 14 თებერვალს, ტყიბულის მუნიციპალიტეტის მერიაში, განათლების განვითარების და დასაქმების ცენტრმა (EDEC), ფონდ „აფხაზინტერკონტთან“ (AIC) პარტნიორობით, პროექტის „მოქალაქეები ადგილობრივი განვითარებისთვის“ ფარგლებში საინფორმაციო შეხვედრა
2024 წლის 12 თებერვალს, ონის მუნიციპალიტეტის მერიაში, განათლების განვითარების და დასაქმების ცენტრმა (EDEC), ფონდ „აფხაზინტერკონტთან“ (AIC) პარტნიორობით, პროექტის „მოქალაქეები ადგილობრივი განვითარებისთვის“ ფარგლებში საინფორმაციო შეხვედრა
Skip to content