„თბილისი მოლში“ შეზღუდული შესაძლებლობის მქონე პირთა დასაქმების ფორუმი გაიმართა

განათლების განვითარების და დასაქმების ცენტრის (EDEC) და სოციალური მომსახურების სააგენტოს ორგანიზებით 19 აპრილს, „თბილისი მოლში“ შეზღუდული შესაძლებლობის მქონე პირთა დასაქმების ფორუმი გაიმართა. ფორუმის მხარდამჭერია თბილისი მოლი“.

ფორუმის მიზანია ხელი შეუწყოს შეზღუდული შესაძლებლობის მქონე პირთა დასაქმებას. ფორუმში მონაწილეობა 80–მა სამუშაოს მაძიებელმა და 20–მა დამსაქმებელმა მიიღო.

ფორუმის მუშაობაში მონაწილეობა მიიღეს განათლების განვითარების და დასაქმების ცენტრის გამგეობის თავმჯდომარემ ლიკა კილაძემ, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილემ თამილა ბარკალაიამ, სოციალური მომსახურების სააგენტოს დირექტორის მოადგილემ ლევან გოგოძემ, სოციალური მომსახურების სააგენტოს დასაქმების პროგრამების დეპარტამენტის უფროსმა მარიამ ბეზარაშვილმა და ალექსეი მესჩერიაკოვმა, „თბილისი მოლის“ გენერალურმა მენეჯერმა.

„თბილისი მოლი“ დასაქმების ფორუმს უკვე მეორედ მასპინძლობს. წლების განმავლობაში საქართველოს სხვადასხვა რეგიონსა და ქალაქში არაერთი დასაქმების ფორუმი გაიმართა, ამგვარად დასაქმების ფორუმი ჩამოყალიბდა პლატფორმად, სადაც შეზღუდული შესაძლებლობის მქონე პირებს და კერძო სექტორს უშუალო კომუნიკაციის დამყარება შეუძლიათ.

 

2023 წლის 28 სექტემბერს, სასტუმროში „ჰოლიდეი ინნ“, განთლების განვითარების და დასაქმების ცენტრის (EDEC) ორგანიზებით, ევროკავშირის მიერ დაფინანსებული პროექტის „სწავლა წვრთნა მიღწევა და კავშირების დამყარება დასაქმებისთვის! (ისწავლე
განათლების განვითარების და დასაქმების ცენტრი (EDEC) აცხადებს ახალგაზრდების სამოქალაქო ინიციატივების საგრანტო კონკურსს პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს
2023 წლის 31 აგვისტოს, სასტუმროში „რადისონ ბლუ ბათუმი“, პროექტის „ჩემი სახლის მმართველი – სწავლა მომავლისთვის“ ფარგლებში, შენობა ნაგებობის ტექნიკური მართვის სპეციალისტის პროფესიის დანერგვასთან დაკავშირებით
Skip to content