რეგიონების შემდეგ, შეზღუდული შესაძლებლობის მქონე პირთა დასაქმების ფორუმი ამჯერად დედაქალაქში გაიმართა.
ფორუმზე სამუშაოს მაძიებელ შეზღუდული შესაძლებლობის მქონე პირებს საშუალება მიეცათ პირისპირ გასაუბრებოდნენ პოტენციურ დამსაქმებლებს და მაქსიმალურად წარმოეჩინათ საკუთარი უნარები.
ფორუმში მონაწილეობას 28 კომპანია და 100-ზე მეტი შეზღუდული შესაძლებლობის მქონე პირი იღებდა.
პოტენციურ დამსაქმებლებს შორის იყვნენ: Retail Group Georgia, აჭარა ჯგუფი (Holiday Inn, Rooms Hotels, Fabrika), სმარტ რითეილი (Smart), ვენ ჯორჯია (Wendy’s), დი ენდ ბი საქართველო ( Dunkin’ Donuts), პალიტრა ჯგუფი, ვითიბი ბანკი, თეგეტა მოტორსი, თბილისი მარიოტი, ქორთიარდ მარიოტი და სხვ.
ფორუმი ორგანიზებული იყო პროექტის „შეზღუდული შესაძლებლობის მქონე პირთა განათლების და დასაქმების თანაბარი შესაძლებლობების ადვოკატირება და ლობირება” (EEAL) ფარგლებში, რომელსაც ქუთაისის განათლების განვითარების და დასაქმების ცენტრი (KEDEC) თელავის განათლების განვითარების და დასაქმების ცენტრთან და ქვეითსაწინააღმდეგო ნაღმების აკრძალვის საერთაშორისო კამპანიის საქართველოს კომიტეტთან „ოტავა–98” ერთად, ევროკავშირის ფინანსური მხარდაჭერით ახორციელებს.
