თემაზე „ტერორიზმი და გლობალური უსაფრთხოება” გაეროს მოდელირება გაიმართა

ადამიანის უფლებათა კვირეულის ფარგლებში, ქუთაისის ახალგაზრდულმა ცენტრმა, თემაზე „ტერორიზმი და გლობალური უსაფრთხოება“ გაეროს მოდელირება გამართა.

მოდელირებაში მონაწილე დელეგატებმა ტერორიზმთან და გლობალურ უსაფრთხოებასთან დაკავშირებული საკითხის გადაჭრის გზები განიხილეს და რეზოლუციების სახით წარმოადგინეს.

კონფერენციის დასასრულს 3 გამარჯვებული დელეგატი გამოვლინდა:

  • ჩინეთის დელეგატი – ირაკლი ფაჩულია,
  • გერმანიის დელეგატი – ინა უთმელიძე,
  • რუსეთის დელეგატი – სალომე ჟორჟოლიანი.

გაეროს მოდელირება გაეროს სისტემაში შემავალი ორგანოების – უშიშროების საბჭოს, გენერალური ასამბლეისა და ა.შ. მუშაობის იმიტაციას წარმოადგენს. მონაწილეები წევრი ქვეყნების წარმომადგენლების როლებს ირგებენ და დღის წესრიგში მდგარ აქტუალურ საკითხებს განიხილავენ.

მოდელირება ორგანიზებული იქნა ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის (PITA) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) ფინანსური მხარდაჭერით. პროგრამის პარტნიორია განათლების განვითარების და დასაქმების ცენტრი (EDEC).

განათლების განვითარების და დასაქმების ცენტრი (EDEC) აცხადებს ახალგაზრდების სამოქალაქო ინიციატივების საგრანტო კონკურსს პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს
2023 წლის 31 აგვისტოს, სასტუმროში „რადისონ ბლუ ბათუმი“, პროექტის „ჩემი სახლის მმართველი – სწავლა მომავლისთვის“ ფარგლებში, შენობა ნაგებობის ტექნიკური მართვის სპეციალისტის პროფესიის დანერგვასთან დაკავშირებით
ბათუმში გამართული საზღვაო ბიზნეს ფორუმის მეორე დღე,  ბათუმის ნავიგაციის სასწავლო უნივერსიტეტში და სახელმწიფო საზღვაო აკადემიაში საინფორმაციო ტურებს მიეძღვნა, რომლის ფარგლებში,  ქართველ და უცხოელ ექსპერტებს,
Skip to content