იმერეთის დღის ცენტრებმა შეზღუდული შესაძლებლობის მქონე პირთა უფლებების დღე აღნიშნეს

შეზღუდული შესაძლებლობის მქონე პირთა უფლებების დღის აღნიშვნას თერჯოლის, სამტრედიის და ქუთაისის ცენტრების ბენეფციარები შეუერთდნენ და 2-დან 4 დეკემბრის ჩათვლით, სხვადასხვა ღონისძიებებში მიიღეს მონაწილეობა.

თერჯოლის დღის ცენტრმა საპოვნელა” მონაწილეობა მიიღო თერჯოლის 1 საჯარო სკოლაში გამართულ ინტეგრირებულ ღონისძიებაში მოდი ვითამაშოთ ერთად”. ღონისძიება მშვიდობის კორპუსის, ორგანიზაციის ასოციაცია მაკლეინი ბავშვებისათვის’’ და ტყიბულის რაიონის განვითარების ფონდის ინიციატივით მოეწყო.

სამტრედიის დღის ცენტრს ლამპარი” ტრადიციულად სტუმრობდნენ სამტრედიის მუნიციპალიტეტის მერი და საკრებულოს წევრები. სტუმრებმა ბავშვებს საჩუქრები გადასცეს.

ქუთაისის დღის ცენტრს ჯადოსნური სამყარო” მაკდონალდსი” და ქუთაისის ახალგაზრდული ცენტრის წევრები ეწვივნენ. მეორე დღეს, ცენტრის ბენეფიციარები ბავშვთა გასართობ პროგრამაზე მაკდონალდს” თავადაც ესტუმრნენ. შემდეგ კი ქუთაისის მერის მიწვევით ლადო მესხიშვილის სახელობის სახელმწიფო დრამატულ თეატრში შშმ პირთა შემოქმედებით ფესტივალს დაესწრნენ. 4 დეკემბერს ქუთაისის ახალგაზრდული ცენტრის წევრების ინიციატივით დღის ცენტრის აღსაზრდელები თოჯინების თეატრს ესტუმრნენ.

მსგავსი ღონისძიებები ხელს უწყობს ბავშვთა პოზიტიური აზროვნების ჩამოყალიბებას და დადებით გავლენას ახდენს მათ განვითარებაზე. ასევე მნიშვნელოვან როლს ასრულებს სოციალიზაციასა და ინტეგრაციაში.

დღის ცენტრების პროგრამა ხორციელდება განათლების განვითარების და დასაქმების ცენტრის მიერ, საქართველოს შრომის ჯანმრთელობის და სოციალური დაცვის სამინისტროს, სსიპ – სოციალური მომსახურების სააგენტოს მხარდაჭერით.

Share on facebook
Share on twitter
Share on linkedin
ხაშურში მცხოვრები ლია ხაჩიძე ვეტერინარ–ტექნიკოსის დუალური განათლების სასწავლო პროგრამის ერთ–ერთი წარმატებული კურსდამთავრებულია, რომელიც დღეს ცხოველთა კვების მაღაზიას მართავს. “მიუხედავად იმისა, რომ დამთავრებული მაქვს სასოფლო–სამეურნეო
20 ოქტომბერს ევროკომისიის აღმოსავლეთ სამეზობლოსთან ურთიერთობისა და ინსტიტუციურ მშენებლობაზე პასუხისმგებელი დირექტორი ლორენს მერედიტი და ევროკავშირის ელჩი კარლ ჰარცელი აჭარის რეგიონებში ვიზიტის ფარგლებში ციხისძირში, რესტორან
გაცნობითი ხასიათის შეხვედრა EDEC-ის საქმიანობისა და საჯარო გამოსვლებისა და დებატების კურსის შესახებ პრეზენტაციას მიეძღვნა. მონაწილეებმა კურსის პროგრამა დეტალურად გაიცნეს  და მათთვის საინტერესო კითხვებზე პასუხები
Skip to content