„მაკდონალდსის“ ტრადიციული საქველმოქმედო აქციის McHappy Day მიზანი ამჯერად ქუთაისის შშმ ბავშვთა დღის ცენტრის აღსაზრდელების ადაპტური გარემოს გაუმჯობესება გახლდათ. აქციის მხარდაჭერით ქუთაისის დღის ცენტრის „ჯადოსნური სამყარო“ შეზღუდული შესაძლებლობების მქონე პატარები გადაადგილებას ადაპტური მინივენით შეძლებენ.
ეს მნიშვნელოვანი სიახლე „მაკდონალდსმა” დღეს გამართულ საზეიმო შეხვედრაზე ამცნო დღის ცენტრის აღსაზრდელებსა და მათ მშობლებს და თან „მაკდონალდსის” პროდუქციით გაუმასპინძლდა.
„მაკდონალდსის“ საქველმოქმედო აქციაში ჩართვა ნებისმიერ მომხმარებელს შეეძლო. Mc Happy Day-ს მხარდასაჭერად კამპანიის სიმბოლიკით სპეციალურად აქციისთვის ხელთნაკეთი აქსესუარები სოციალურ საწარმოში „ფარშევანგი“ დამზადდა, რომელთა შეძენის შემთხვევაში მომხმარებლებიც ავტომატურად ქველმოქმედების თანამონაწილეები ხდებოდნენ.
განათლების განვითარების და დასაქმების ცენტრი დღის ცენტრისა და ბენეფიციარების სახელით მადლობას უხდის კომპანიას „მაკდონალდსი” მაღალი სოციალური პასუხისმგებლობის გამოვლენისთვის!
