მესტიაში ევროპის დღე აღნიშნეს

22 ივნისს, მესტიაში ევროპის დღე აღნიშნეს. ერთი დღით სეტის მოედანი „ევროსოფლად“ გადაიქცა, სადაც ინფორმაციული და გასართობი აქტივობები ჩატარდა.

სტუმრებს შეეძლოთ ევროკავშირის წევრი სახელმწიფოს სტენდებთან უშუალოდ გაცნობოდნენ, თუ როგორ უწყობს ხელს ევროკავშირი და ქმნის ახალ შესაძლებლობებს საქართველოს მოქალაქეებისთვის.

განათლების განვითარების და დასაქმების ცენტრმა (EDEC) ევროპის დღეზე ორგანიზაციის მიმდინარე პროექტები წარადგინა. წარდგენილ პროექტებს შორისაა ორმხრივი მოხალისეობის პლატფორმა „დროის ბანკი“, სოციალური საწარმო „ფარშევანგი”, შეზღუდული შესაძლებლობის მქონე პირთა გაძლიერებაზე მიმართული და იძულებით გადაადგილებულ პირთა დასაქმების პროექტები.

ევროპის დღის აღნიშვნის ფარგლებში „დროის ბანკის” გათამაშებაც გაიმართა. მოხალისეობის კულტურასთან დაკავშირებულ შეკითხვებს ახალგაზრდები პასუხობდნენ. ვიქტორინაში გამარჯვებულები სოციალური საწარმოს „ფარშევანგი” მიერ ქვილინგის ტექნიკით დამზადებული სუვენირებით დასაჩუქრდნენ.

ევროპის დღეს ყოველწლიურად 9 მაისს ზეიმობენ საფრანგეთის საგარეო საქმეთა მინისტრ რობერ შუმანის 1950 წლის დეკლარაციის აღსანიშნავად. მან ევროპაში ახალი ფორმის პოლიტიკური თანამშრომლობის იდეა წამოაყენა, რომელსაც ევროპის ქვეყნებს შორის ომი შეუძლებლად უნდა ექცია და მათ ქვანახშირისა და ფოლადის რეზერვების გაზიარება სთხოვა. ამ იდეამ დასაბამი მისცა ევროპის კავშირის შექმნას, რომელიც 28 ქვეყანას და 508 მილიონ მოქალაქეს აერთიანებს 60-წლიანი მშვიდობისა და კეთილდღეობის პირობებში.

ევროპის დღის აღნიშვნა 5 მაისს თბილისიდან დაიწყო. წლევანდელი ევროპის დღე გაიმართა დევიზით „ერთად უფრო ძლიერი ვართ“, რათა ხაზი გაესვას საქართველოსა და ევროკავშირს შორის მჭიდრო ურთიერთობებს.

2022 წლის 24 მაისს, გურიაში, ევროკავშირის ელჩთან გამართულ შეხვედრაზე, განათლების განვითარების და დასაქმების ცენტრის (EDEC) გამგეობის თავმჯდომარემ ლიკა კილაძემ პროექტის ,,ისწავლე დასაქმებისთვის’’ მიმდინარე შედეგების
10 მაისს, განათლების განვითარებისა და დასაქმების ცენტრმა (EDEC) თავისუფალ ჟურნალისტთა სახლთან ერთად, ბათუმის მუნიციპალიტეტის მერიის განათლების, კულტურის, სპორტისა და ახალგაზრდობის სამსახურთან ურთიერთანამშრომლობის მემორანდუმს მოაწერა
ლაშა ტარუაშვილი, ბიზნესის ადმინისტრირების ფაკულტეტის კურსდამთავრებულია. ის ამჟამად  გორში, სასტუმრო ,,ლაქი”– ში ადმინისტრატორის პოზიციაზე მუშაობს. ყველაფერი კი ასე დაიწყო. დასაქმების ცენტრის შესახებ მან მეგობრისგან
Skip to content