მეწარმეობის სკოლის საგანმანათლებლო პროგრამის პრეზენტაცია ფოთსა და სენაკში გაიმართა

პროგრამის შესახებ დეტალური ინფორმაცია კონფლიქტით დაზარალებულმა ახალგაზრდებმა და დევნილებმა მიიღეს, რომელთაც სურვილი აქვთ ჩაერთონ სამეწარმეო საქმიანობაში და განავითარონ თავიანთი ბიზნეს იდეები. შეხვედრებს, ასევე, ესწრებოდნენ სენაკის სათემო განათლების ცენტრისა და ფოთის მუნიციპალიტეტის ადგილობრივი თვითმმართველობის წარმომადგენლები.

მეწარმეობის სკოლის საგანმანათლებლო პროგრამაში მონაწილეობა შეუძლიათ სამეგრელოსა და შიდა ქართლში მცხოვრებ 15–35 წლის იძულებით გადაადგილებულ ან კონფლიქტით დაზარალებულ ახალგაზრდებს, რომელთაც აქვთ ბიზნეს იდეები და ამ იდეების განვითარება, დახვეწა და განხორციელება სურთ.

სკოლის ბენეფიციარებისათვის სწვალებასთან დაკავშირებულ საორგანიზაციო ხარჯებს სრულად დაფარავს განათლების განვითარების და დასაქმების ცენტრი, ევროკავშირის და ლტოლვილთა დანიის საბჭოს ფინანსური მხარდაჭერით.

პროგრამა ითავლისწინებს ზუგდიდსა და გორში ორი სამეწარმეო სკოლის დაფუძნებას, სადაც 80 ახალგაზრდა, ცოდნის მიღებასთან ერთად, სამეწარმეო უნარებს გამოიმუშავებს. ბიზნეს იდეების დასახვეწად ისინი ინდივიდუალურ, საჭიროებებზე მორგებულ კონსულტაციებს, მენტორისა და ქოუჩის მხარდაჭერას მიიღებენ.

მეწარმეობის სკოლა „ევროკავშირი ახალგაზრდებისთვის – ახალგაზრდების განათლების, დასაქმებისა და ჩართულობის ხელშეწყობა საქართველოსა და უკრაინის კონფლიქტით დაზარალებულ რეგიონებში“ პროექტის ფარგლებში ხორციელდება.

2024 წლის 14 თებერვალს, ტყიბულის მუნიციპალიტეტის მერიაში, განათლების განვითარების და დასაქმების ცენტრმა (EDEC), ფონდ „აფხაზინტერკონტთან“ (AIC) პარტნიორობით, პროექტის „მოქალაქეები ადგილობრივი განვითარებისთვის“ ფარგლებში საინფორმაციო შეხვედრა
2024 წლის 12 თებერვალს, ონის მუნიციპალიტეტის მერიაში, განათლების განვითარების და დასაქმების ცენტრმა (EDEC), ფონდ „აფხაზინტერკონტთან“ (AIC) პარტნიორობით, პროექტის „მოქალაქეები ადგილობრივი განვითარებისთვის“ ფარგლებში საინფორმაციო შეხვედრა
„მონაწილეობა და აქტიური მოქალაქეობა გულისხმობს უფლებების, საშუალებებისა და შესაძლებლობათა ქონას, ასევე საჭიროებათა შემთხვევაში მხარდაჭერას გადაწყვეტილებების მიღების პროცესში სათანადო ჩართულობით. ახალგაზრდების მონაწილეობა აღიარებული უფლებაა საერთაშორისო
Skip to content