ონლაინ შეხვედრა რეგიონულ ჰაბებთან

6 აგვისტოს, განათლების განვითარების და დასაქმების ცენტრმა (EDEC), პროექტის ,,სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში, რეგიონულ ჰაბებთან ონლაინ შეხვედრა გამართა.

შეხვედრის მიზანს წარმოადგენდა ახალგაზრდული საბჭოების შექმნისა და განვითარებისთვის დაგეგმილი აქტივობების წარდგენა და განხილვა.

ონლაინ შეხვედრას ესწრებოდნენ საქართველოს ათი რეგიონული ჰაბის, პროექტის განმახორციელებელი კონსორციუმის წევრი ორგანიზაციებისა და ახალგაზრდობის სააგენტოს წარმომადგენლები.

შეხვედრა განათლების განვითარების და დასაქმების ცენტრის (EDEC) გამგეობის თავმჯდომარემ ლიკა კილაძემ და კონრად ადენაუერის ფონდის პროექტის მენეჯერმა დავით აფრასიძემ გახსნა.

დამოუკიდებელმა მკვლევარმა ნატო ანთიამ, ადგილობრივ დონეზე ახალგაზრდული საბჭოების განვითარებასთან დაკავშირებით ჩატარებული კვლევის შედეგები წარმოადგინა. ახალგაზრდული სააგენტოს ხელმძღვანელმა რევაზ ჩარკვიანმა შეხვედრის დამსწრეებს მონაწილეობრივი ახალგაზრდული პოლიტიკის განვითარების გეგმა გააცნო. შეხვედრის დასკვნით ნაწილში, ლიკა კილაძემ, პროექტის ფარგლებში, ახალგაზრდული საბჭოების შექმნისა და განვითარების მიზნით დაგეგმილი აქტივობები წარადგინა.

ევროკავშირისა და კონრად ადენაუერის ფონდის მიერ დაფინანსებული პროექტი „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ მიზნად ისახავს, გააძლიეროს სამოქალაქო საზოგადოება როგორც დამოუკიდებელი, მდგრადი, გამჭვირვალე და ანგარიშვალდებული აქტორი მთელი საქართველოს მასშტაბით.

პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციასთან ერთად – საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციისა და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP).

ფესიული პროგრამების პოპულარიზაციის მიზნით, კოლეჯ კონსტრუქტ2ში საგანმანათლებლო პროგრამების ღია კარის დღე მოეწყო. ღონისძიებას 200-მდე ზესტაფონისა და ხარაგაულის სკოლის მოსწავლე დაესწრო, რომლებიც ადგილზე გაეცნენ ამომწურავ
„პროექტის განხორციელება პირველ რიგში დაგვეხმარება, რომ უფრო მეტ ახალგაზრდას ავუმაღლოთ ცნობიერება მოხალისეთა უფლება-მოვალეობების შესახებ და ამით უზრუნველვყოთ ჩვენი ორგანიზაციის საქმიანობის ძირითადი მიზნების განხორციელება.  გარდა
2024 წლის 26 აპრილს, ბათუმში, სასტუმრო „რედისონში“, ევროკავშირის მიერ მხარდაჭერილი პროექტის „სამოქალაქო საზოგადოების ინიციატივა“ ფარგლებში, განათლების განვითარების და დასაქმების ცენტრის (EDEC) და აჭარის რეგიონული
Skip to content