პროექტის – „უპასუხე დროის მოთხოვნებს, მიიღე განათლება და დასაქმდი!“ ფარგლებში, ბენეფიციარებთან შეხვედრა გაიმართა

პროექტის – „უპასუხე დროის მოთხოვნებს, მიიღე განათლება და დასაქმდი!“ ფარგლებში ბენეფიციარებთან შეხვედრა განათლების განვითარების და დასაქმების ცენტრში (EDEC) გაიმართა.

პროექტს განათლების განვითარების და დასაქმების ცენტრი (EDEC) ქუთაისის მუნიციპალიტეტის მერიის ფინანსური მხარდაჭერით ახორციელებს. პროექტის მიზანია შეზღუდული შესაძლებლობის მქონე პირთა საარსებო წყაროების უზრუნველყოფის საკითხის გადაწყვეტა, მათთვის შრომის ღია ბაზარზე ერთ–ერთი ყველაზე მოთხოვნადი ციფრული მარკეტინგისა და ვებ ტექნოლოგიების გამოყენების შესახებ ცოდნისა და უნარების გამომუშავების ხელშეწყობა, შემოსავლების გენერირების შესაძლებლობა, როგორც თვითდასაქმებით, ისე შრომის ღია ბაზარზე დასაქმებით.

პროექტის – „უპასუხე დროის მოთხოვნებს, მიიღე განათლება და დასაქმდი!“ ფარგლებში, ციფრული მარკეტინგი და ვებ ტექნოლოგიები შეისწავლა 14–მა შეზღუდული შესაძლებლობის მქონე პირმა. პროექტის 8 ბენეფიციარმა მიღებული ცოდნა საკუთარი ბიზნეს იდეების განსახორციელებლად და ანაზღაურებადი სამუშაოს მისაღებად გამოიყენა.

მონაწილეებმა უკვე შექმნეს საკუთარი ონლაინ პლატფორმები, რომლის მეშვეობით, მოახდენენ მცირე საოჯახო ტიპის სასტუმროების გამართვას, ხელნაკეთი ნივთების ონლაინ გაყიდვას და დამკვეთისთვის ვებ და სოციალური ქსელების გვერდების დამზადებას.

პროექტის ფარგლებში, განათლების განვითარების და დასაქმების ცენტრმა (EDEC) ითანამშრომლა TBC ბანკთან და ონლაინ პლატფორმა vendoo.ge-სთან, რომლის საშუალებითაც პროექტის მონაწილეები საკუთარი ხელნაკეთი ნივთების რეალიზაციას მოახდენენ.

შეხვედრაზე მხარეებმა პროექტის განხორციელების პროცესი შეაჯამეს და შედეგები მიმოიხილეს. შეხვედრას განათლების განვითარების და დასაქმების ცენტრის გამგეობის თავმჯდომარე ლიკა კილაძე, განათლების განვითარების და დასაქმების ცენტრის აღმასრულებელი დირექტორი ნათია ნამიჭეიშვილი, ქუთაისის მუნიციპალიტეტის მერის მოადგილე ნინო თვალთვაძე და პროექტის ბენეფიციარები ესწრებოდნენ.

შეხვედრის ფარგლებში, მონაწილეები პროექტის ერთ–ერთ ბენეფიციარს, თამარ ქარქაშაძეს შინ ესტუმრნენ და მისი საქმიანობის შესახებ დეტალური ინფორმაცია მიიღეს.

Share on facebook
Share on twitter
Share on linkedin
2022 წლის 24 მაისს, გურიაში, ევროკავშირის ელჩთან გამართულ შეხვედრაზე, განათლების განვითარების და დასაქმების ცენტრის (EDEC) გამგეობის თავმჯდომარემ ლიკა კილაძემ პროექტის ,,ისწავლე დასაქმებისთვის’’ მიმდინარე შედეგების
10 მაისს, განათლების განვითარებისა და დასაქმების ცენტრმა (EDEC) თავისუფალ ჟურნალისტთა სახლთან ერთად, ბათუმის მუნიციპალიტეტის მერიის განათლების, კულტურის, სპორტისა და ახალგაზრდობის სამსახურთან ურთიერთანამშრომლობის მემორანდუმს მოაწერა
ლაშა ტარუაშვილი, ბიზნესის ადმინისტრირების ფაკულტეტის კურსდამთავრებულია. ის ამჟამად  გორში, სასტუმრო ,,ლაქი”– ში ადმინისტრატორის პოზიციაზე მუშაობს. ყველაფერი კი ასე დაიწყო. დასაქმების ცენტრის შესახებ მან მეგობრისგან
Skip to content