პროექტის „ჩემი სახლის მმართველი – მომავლის მშენებლობისთვის“ ფარგლებში ტრენერთა ტრენინგის მონაწილეებს სერტიფიკატები გადაეცათ

ოთხდღიან ტრენინგში საქართველოში მოქმედი პროფესიული სასწავლებლებისა და სერვისპროვაიდერი ორგანიზაციების 12 წარმომადგენელმა მიიღო მონაწილეობა.

მონაწილეები ჰაუსმასტერის (შენობა-ნაგებობის ტექნიკური მენეჯერის) კურსის შინაარსს, მეთოდოლოგიას და გერმანულ გამოცდილებაზე დაყრდნობით ახლადშექმნილ ქართულ მოდულების გაეცნენ. თემები მოიცავდა: სახლის მმართველის მოვალეობები, სამშენებლო დეფექტები, უსაფრთხოება, ინსპექტირება, საცხოვრებელი ობიქტების მოვლა და ცვლილებების ანალიზი, მიზნობრივი ჯგუფი და მიდგომები, კომუნიკაცია და კონფლიქტის მართვა.

მოდულები სამშენებლო კოლეჯთან „კონსტრუქტ2“ თანამშრომლობით და გერმანულ გამოცდილებაზე დაყრდნობით განათლების განვითარების და დასაქმების ცენტრმა (EDEC) შეიმუშავა.

ტრენინგის ფარგლებში მომზადდა სამი მოდული: უსაფრთხოების სავალდებულო ღონისძიებები უსაფრთხო საცხოვრებელი გარემოს შექმნისთვის-საფრთხეების და რისკების კონტროლი; შენობა-ნაგებობაში არსებული საკომუნიკაციო სისტემების ტექნიკური ექსპლუატაცია და დეფექტების აღმოფხვრა; შენობა-ნაგებობის ტექნიკური ექსპლუატაცია და დეფექტების აღმოჩენა. ასევე შეიქმნა პროგრამის გზამკვლევი და საინფორმაციო ბარათები.

პროექტის მიზანია ზრუნვაზე ორიენტირებული ახალი სერვისების მხარდაჭერა და ჰაუსმასტერის (შენობა-ნაგებობათა ტექნიკური მენეჯერი) პროფესიის დანერგვა საქართველოში.

პროექტის სამიზნე ჯგუფები ახალგაზრდები, პროფესიული კოლეჯებისა და ბინათმესაკუთრეთა ამხანაგობის წარმომადგენლები, ასევე გადაწყვეტილების მიმღები პირები არიან.

პროექტი „ჩემი სახლის მმართველი – მომავლის მშენებლობისთვის“ არასამთავრობო ორგანიზაციის კოალიციის: „ინიციატივა ბინათმესაკუთრეთა ამხანაგობებისთვის აღმოსავლეთ ევროპაში“ (IWO e.V), განათლების განვითარების და დასაქმების ცენტრის (EDEC), საქველმოქმედო ჰუმანიტარული ცენტრის „აფხაზეთი“ (CHCA) მიერ, გერმანიის საგარეო საქმეთა სამინისტროს მხარდაჭერით, ხორციელდება.

Share on facebook
Share on twitter
Share on linkedin
2022 წლის 24 მაისს, გურიაში, ევროკავშირის ელჩთან გამართულ შეხვედრაზე, განათლების განვითარების და დასაქმების ცენტრის (EDEC) გამგეობის თავმჯდომარემ ლიკა კილაძემ პროექტის ,,ისწავლე დასაქმებისთვის’’ მიმდინარე შედეგების
10 მაისს, განათლების განვითარებისა და დასაქმების ცენტრმა (EDEC) თავისუფალ ჟურნალისტთა სახლთან ერთად, ბათუმის მუნიციპალიტეტის მერიის განათლების, კულტურის, სპორტისა და ახალგაზრდობის სამსახურთან ურთიერთანამშრომლობის მემორანდუმს მოაწერა
ლაშა ტარუაშვილი, ბიზნესის ადმინისტრირების ფაკულტეტის კურსდამთავრებულია. ის ამჟამად  გორში, სასტუმრო ,,ლაქი”– ში ადმინისტრატორის პოზიციაზე მუშაობს. ყველაფერი კი ასე დაიწყო. დასაქმების ცენტრის შესახებ მან მეგობრისგან
Skip to content