პროექტის „ჩემი სახლის მმართველი – პერსპექტივების გაზიარება“ (ჰაუსმასტერი 3) შემაჯამებელი ღონისძიება ონლაინ ფორმატში გაიმართა

2021 წლის 27 მაისს პროექტის „ჩემი სახლის მმართველი – პერსპექტივების გაზიარება“ (ჰაუსმასტერი 3) შემაჯამებელი ღონისძიება ონლაინ ფორმატში გაიმართა.

შემაჯამებელ ღონისძიებაში მონაწილეობა საქართველოს განათლებისა და მეცნიერების სამინისტროს, დასაქმების ხელშეწყობის სახელმწიფო სააგენტოს, აჭარის ავტონომიური რესპუბლიკის დასაქმების სააგენტოს, უმაღლესი და პროფესიული სასწავლებლების, საქართველოში მოქმედი უძრავი ქონების კომპანიების წარმომადგენლებმა მიიღეს.

ღონისძიება გახსნეს პროექტის განმახორციელებელი ორგანიზაციების წარმომადგენლებმა: „ინიციატივა ბინათმესაკუთრეთა ამხანაგობებისთვის აღმოსავლეთ ევროპაში“ (IWO e.V), „განათლების განვითარების და დასაქმების ცენტრი“  (EDEC) და საქველმოქმედო ჰუმანიტარული ცენტრი „აფხაზეთი“ (CHCA) და შეაჯამეს პროექტის მიღწეული შედეგები როგორც სამშენებლო, ასევე პროფესიული განათლების სექტორში.

კოლეჯის „კონსტრუქტ 2“ მენეჯმენტმა და მოწვეულმა ექსპერტებმა წარმოადგინეს პროექტის „ჰაუსმასტერ 3“ ფარგლებში შექმნილი პროგრამას „შენობა-ნაგებობისა და შენობა-ნაგებობის მიმდებარე ტერიტორიაზე საკუთრებაში არსებული ინფრასტრუქტურის მოვლისა და მართვის სამუშაოები“.

პროგრამა ეფუძნება გერმანულ გამოცდილებას და მოიცავს შემდეგ მოდულებს: შენობა-ნაგებობის საკუთრებაში არსებულ ტერიტორიაზე ინფრასტრუქტურის ტექნიკური შემოწმება; საქმიანობასთან დაკავშირებული ურთიერთობების სამართლებრივი რეგულირების საფუძვლები; საწარმოო პრაქტიკა; გაცნობითი პრაქტიკა; კომუნიკაცია; მეწარმეობა; უცხო ენა. შეხვედრის მეორე ნაწილი დაეთმობა დისკუსიასა და იდეების გაზიარებას შემდეგ თემებზე:პროექტის შედეგების გავრცობა სხვადასხვა პერსპექტივიდან, ახლად შექმნილი პროგრამის და ე.წ. ჰაუსმასტერის“ პროფესიის პოპულარიზაცია. მონაწილეები იმუშავებენ ხუთ ქვე–ჯგუფად: ცენტრალური ხელისუფლება, ადგილობრივი ხელისუფლება, პროფესიული განათლების კოლეჯები, ბიზნეს სექტორი/დამსაქმებლები, მოსახლეობა.

პროექტი „ჩემი სახლის მმართველი–პერსპექტივების გაზიარება“ (ჰაუსმასტერი 3) ხორციელდება „ინიციატივა ბინათმესაკუთრეთა ამხანაგობებისთვის აღმოსავლეთ ევროპაში“ (IWO e.V), „განათლების განვითარების და დასაქმების ცენტრის“  (EDEC) და საქველმოქმედო ჰუმანიტარული ცენტრი „აფხაზეთის“ (CHCA) მიერ გერმანიის ფედერალური საგარეო უწყების ფინანსური მხარდაჭერით. პროექტი მიზნად ისახავს  ტექნიკური მომსახურების  სფეროში ახალი სერვისებისა  და ე.წ. ,,ჰაუსმასტერის“პროფესიის დანერგვას საქართველოში.

Share on facebook
Share on twitter
Share on linkedin
25 იანვარს, ბაღდათის მუნიციპალიტეტში ხელი მოეწერა ურთიერთთანამშროლობის მემორანდუმს ერთი მხრივ, „განათლების განვითარების და დასაქმების ცენტრი“-ს, „ადგილობრივი დემოკრატიის სააგენტო საქართველო“-ს და, მეორე მხრივ, ბაღდათის მუნიციპალიტეტის
განათლების განვითარების და დასაქმების ცენტრის მიერ ადმინისტრირებულ ქუთაისის შეზღუდული შესაძლებლობის მქონე ბავშვთა დღის ცენტრს „ჯადოსნური სამყარო“ ქუთაისის საერთაშორისო უნივერსიტეტის სტუდენტები ესტუმრნენ, ბენეფიციარებს განმავითარებელი სათამაშოები
შესავალი/Introduction არასამთავრობო ორგანიზაცია განათლების განვითარების და დასაქმების ცენტრი 2008 წელს დაარსდა და მისი მისიაა ფორმალური და არაფორმალური განათლებისა და დასაქმების სფეროში არსებული გამოწვევების იდენტიფიცირება,
Skip to content