პროექტის „ჩემი სახლის მმართველი – ჩემი მომავლის მმართველი!“ შემაჯამებელი ღონისძიება

2018 წლის 7 დეკემბერს, სამი არასამთავრობო ორგანიზაციის კოალიციის (IWO e.V.,EDEC,CHCA) ინიციატივით პროექტის – „ჩემი სახლის მმართველი – ჩემი მომავლის მმართველი!“ შემაჯამებელი ღონისძიება გაიმართა.

პროექტი „ჩემი სახლის მმართველი–ჩემი მომავლის მმართველი“ მიზნად ისახავს იძულებით გადაადგილებული ახალგაზრდების გადამზადებას ბინათმესაკუთრეთა ამხანაგობების საკითხებზე და გერმანული გამოცდილების საფუძველზე მოამზადებს ჰაუსმაისტერებს დევნილთა ჩასახლებებისთვის.

შემაჯამებელ ღონისძიებას ესწრებოდნენ: აფხაზეთის ავტონომიური რესპუბლიკის მთავრობის, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს, ქუთაისის თვითმმართველობის, არასამთავრობო ორგანიზაციების, დევნილთა ჩასახლებებში არსებული ბინათმესაკუთრეთა ამხანაგობების წარმომადგენლები და პროექტის მონაწილეები.

ღონისძიებაზე პროექტის შედეგების პრეზენტაციის შემდეგ იმსჯელეს ჰაუსმასტერების დასაქმებისა და თვითდასაქმების პერსპექტივებზე საქართველოში, დასასრულს პროექტის ბენეფიციარებს გადაეცათ ჰაუსმასტერის პროფესიის დამადასტურებელი სერტიფიკატები, პროექტმა „ჩემი სახლის მმართველი–ჩემი მომავლის მმართველი“ იძულებით გადადგილებულ ახალგაზრდებს განვითარების ახალი შესაძლებლობები მისცა.

30-მა ახალგაზრდამ გადამზადების კურსი გაიარა და ჰაუსმასტერის პროფესიას დაეუფლა. პროექტის 8 საუკეთესო მონაწილე სასწავლო ვიზიტით გერმანიაში იმყოფებოდა, სადაც ბინათმესაკუთრეთა ამხანაგობების მუშაობის სპეციფიკასა და ადგილობრივ კანონმდებლობას გაეცნენ.

პროექტს „ჩემი სახლის მმართველი–ჩემი მომავლის მმართველი“ ახორცილებს „ინიციატივა ბინათმესაკუთრეთა ამხანაგობებისთვის აღმოსავლეთ ევროპაში“ (IWO e.V), „ევროპის საგანმანათლებლო ცენტრი ბინათმესაკუთრეთა ამხანაგობებისა და უძრავი ქონებისთვის (EBZ), საქველმოქმედო ჰუმანიტარული ცენტრი „აფხაზეთი“ (CHCA), განათლების განვითარების და დასაქმების ცენტრი (EDEC) გერმანიის საგარეო საქმეთა სამინისტროს მხარდაჭერით.

2024 წლის 16 აპრილს, პროექტის „სოციალური მეწარმეობის უნარების გაძლიერება პროფესიულ სასწავლებლებში“ ფარგლებში, საპილოტედ შერჩეულ კოლეჯ “კონსტრუქტ2” სტუდენტებთან საინფორმაციო შეხვედრა გაიმართა. შეხვედრის მიზანი იყო მონაწილეებისთვის
„პროექტის განხორციელებით ახალგაზრდები გაანალიზებენ მოხალისეობის არს და მნიშვნელობას პიროვნების განვითარებასა და საზოგადოების ცხოვრების ხარისხის გაუმჯობესებაში, ასევე, პროექტის ფარგლებში მათ ექნებათ შესაძლებლობა თანატოლების ინტერესის შესაბამისად
2024 წლის 17 აპრილს, პროექტის „სოციალური მეწარმეობის უნარების გაძლიერება პროფესიულ სასწავლებლებში“ ფარგლებში, საპილოტედ შერჩეულ კოლეჯ “განთიადის” სტუდენტებთან საინფორმაციო შეხვედრა გაიმართა. შეხვედრის მიზანი იყო მონაწილეებისთვის
Skip to content