პროფესიული პროგრამა „გაყიდვები და სერვის +“ 9 პირმა გაიარა

დუალური პროფესიული განათლების სასწავლო პროგრამის ფარგლებში, მოკლევადიანი მომზადება–გადამზადების პროფესიული პროგრამა „გაყიდვები და სერვის +“ 9 პირმა უკვე გაიარა.

300 საათიანი პროგრამა მოიცავს როგორც თეორიულ სწავლებას, ასევე, პრაქტიკურ ნაწილს. მონაწილეებმა თეორიული სწავლება გორის სახელმწიფო სასწავლო უნივერსიტეტში, ხოლო პრაქტიკული – სავაჭრო ქსელ „ჯიბეში“ გაიარეს.

პროგრამის წარმატებულ კურსდამთავრებულებს, სერტიფიცირების გამოცდის გავლის შემდეგ, სერტიფიკატები გადაეცემათ.

დუალური პროფესიული განათლების სასწავლო პროგრამის ფარგლებში კურსდამთავრებულები სტაჟირების 3 თვიან კურსს სავაჭრო ქსელ „ჯიბეში“ გაივლიან.

პროგრამა პროექტის – „ევროკავშირი ახალგაზრდებისთვის – ახალგაზრდების განათლების, დასაქმებისა და ჩართულობის ხელშეწყობა საქართველოსა და უკრაინის კონფლიქტით დაზარალებულ რეგიონებში“ ფარგლებში ხორციელდება.

პროექტი იძულებით გადაადგილებული და კონფლიქტის შედეგად დაზარალებული ახალგაზრდების საარსებო წყაროების გაძლიერებასა და საზოგადოებრივ ცხოვრებაში მათი აქტიური მონაწილეობის ხელშეწყობას, ასევე, განათლების, დასაქმებისა და სამეწარმეო საქმიანობებში მათი ჩართვის ხელმისაწვდომობის გაზრდას ისახავს მიზნად.

პროექტი „ევროკავშირი ახალგაზრდებისთვის – ახალგაზრდების განათლების, დასაქმებისა და ჩართულობის ხელშეწყობა საქართველოსა და უკრაინის კონფლიქტით დაზარალებულ რეგიონებში“ ლტოლვილთა დანიის საბჭოსა (DRC) და განათლების განვითარებისა და დასაქმების ცენტრის (EDEC) მიერ, ევროკავშირის ფინანსური მხარდაჭერით ხორციელდება.

Share on facebook
Share on twitter
Share on linkedin
2022  წლის 21 მაისს, ევროკავშირის მიერ მხარდაჭერილი პროექტის „სამოქალაქო საზოგადოების ინიციატივა“ ფარგლებში, განათლების განვითარების და დასაქმების ცენტრის (EDEC) და შიდა ქართლის რეგიონული ჰაბის –
დღეს, კიდევ ერთი წარმატებული დასაქმების შესახებ გიამბობთ. 22 წლის ანანო გუმბერიძემ პროექტის შესახებ მეგობრისგან შეიტყო, ქუთაისის დასაქმების ცენტრში მივიდა და დასაქმების კონსულტანტებთან გასაუბრება გაიარა.
ვაკანსიის დასახელება: საგურამოს შეზღუდული შესაძლებლობის მქონე ბავშვთა და პირთა დღის ცენტრის პედაგოგი ვაკანსიის ადგილმდებარეობა: საგურამო მომწოდებელი: განათლების განვითარების და დასაქმების ცენტრი გამოქვეყნების თარიღი:  2022
Skip to content