როგორ გახდა მაია ხვიჩავა წარმატებული ფიზიკური თერაპევტი ზუგდიდში

ზუგდიდში მცხოვრები მაია ხვიჩავა წარმატებული ფიზიკური თერაპევტია. მაიამ 2020 წელს მონაწილეობა მიიღო ზოგადი მასაჟის დუალური განათლების სასწავლო პროგრამაში, რომელიც განათლების განვითარების და დასაქმების ცენტრმა (EDEC), ევროკავშირის მიერ მხარდაჭერილი პროექტის “ევროკავშირი ახალგაზრდებისთვის” ფარგლებში განახორციელა.

მიუხედავად იმისა, რომ მაიას მასაჟისტის პროფესიით არაერთი ტრენინგი ჰქონდა გავლილი, როდესაც მეგობრისგან კურსის შესახებ გაიგო, გადაწყვიტა კვალიფიკაცია აემაღლებინა და აქტიურად ჩაერთო სასწავლო პროგრამაში. თეორიული ნაწილის ათვისების შემდეგ, პროგრამის ფარგლებში, 3 თვის განმავლობაში გადიოდა სტაჟირებას ზუგდიდის რეაბილიტაციის ცენტრში “თანაზიარი”. სტაჟირების დასრულების შემდეგ, მაია ამავე ცენტრში დასაქმდა. მას, როგორც პროგრამის ერთ–ერთ წარმატებულ კურსდამთავრებულს, პროფესიული საქმიანობისთვის საჭირო ინვენტარიც გადაეცა.

“მართალია, მასაჟისტის პროფესია ყოველთვის მაინტერესებდა, არ მქონია სამუშაო გამოცდილება. ეს პროგრამა  სწორედ ამ ბარიერის გადალახვაში დამეხმარა, რადგან თეორიულ განათლებასთან ერთად სტაჟირების გავლის შესაძლებლობაც მომცა. კიდევ ერთი ღირებული რამ, რაც ამ კურსმა შემძინა შეზღუდული შესაძლებლობის მქონე პირებთან მუშაობის ცოდნა და გამოცდილებაა. არ ვიცოდი როგორ უნდა მოვპყრობოდი ასეთ პაციენტებს, დღეს კი თავისუფლად შემიძლია მოვემსახურო ცერებრალური დამბლის და აუტისტური სპექტრის მქონე ადამიანებს,” – აღნიშნავს თერაპევტი.

მაია სამომავლოდ ფიზიკური თერაპიის მიმართულებით საკუთარი ბიზნესის წამოწყებასაც გეგმავს. სულ ცოტა ხნის წინ, მან გაეროს განვითარების პროგრამის (UNDP) მიერ მხარდაჭერილი პროექტის „კონფლიქტის შედეგად დაზარალებული ქალების აქტივობის გაზრდა და სოციალურ–ეკონომიკური შესაძლებლობების გაუმჯობესება COVID-19 კრიზისის დროს“ ფარგლებში,  განათლების განვითარების და დასაქმების ცენტრის (EDEC) მიერ ორგანიზებულ მცირე და მიკრო ბიზნესის მართვის საკითხებზე ონლაინ ტრენინგში მიიღო მონაწილეობა.

რაც შეეხება ზოგადი მასაჟის დუალური პროფესიული განათლების სასწავლო პროგრამას, აღნიშნული პროგრამა განათლების განვითარების და დასაქმების ცენტრმა (EDEC) ლტოლვილთა დანიის საბჭოსთან (DRC) ერთად, პროექტის „ევროკავშირი ახალგაზრდებისთვის – ახალგაზრდების განათლების, დასაქმებისა და ჩართულობის ხელშეწყობა საქართველოსა და უკრაინის კონფლიქტით დაზარალებულ რეგიონებში“ ფარგლებში, 2018-2020 წლებში, ევროკავშირის ფინანსური მხარდაჭერით განახორციელა.

„პროექტის მიზანი  წალკის მუნიციპალიტეტში არსებული პრობლემების: ცხოველების დაცვა და განათლების ხარისხის გაუმჯობესება  წვლილის შეტანა იყო“. –  ბარეთის საჯარო სკოლის საინიციატივო ჯგუფის ხელმძღვანელი მარიამ ელოშვილი
ტენდერი გამოცხადებულია განათლების განვითარების და დასაქმების ცენტრის პროექტის „უკრაინაში, მოლდოვაში, საქართველოსა და სომხეთში მცხოვრები ახალგაზრდების კარიერის მართვის და სოციალური მეწარმეობის უნარების განვითარება, სოციალური სტუდენტური
ქუთაისის ი.გოგებაშვილის პირველი საავტორო სკოლის  მე-11 კლასის მოსწავლე ელისაბედ გოშხეთელიანი, EDEC-ის მიერ შექმნილი ონლაინ სწავლების პლატფორმის elearning.edec.ge პირველი კურსდამთავრებულია, რომელმაც წარმატებით გაიარა ონლაინ კურსი „ყველაფერი
Skip to content