სამეწარმეო სკოლა გორში დასრულდა

სამეწარმეო სკოლამ გორში მუშაობა დაასრულა. ერთი თვის განმავლობაში 22–მა ახალგაზრდამ შიდა ქართლის რეგიონიდან სამეწარმეო საქმიანობისთვის საჭირო უნარები გაიძლიერა. სკოლის მსმენელებს სერტიფიკატები გადაეცათ.

სამეწარმეო სკოლის ფარგლებში მსმენელებმა ზოგადი მენეჯმენტის და ბიზნესის დაგეგმვის. მარკეტინგის, რესურსებისა და ფონდების მოძიების, ფინანსური მართვის, ბიზნესის ადმინისტრირებასთან დაკავშირებული სამართლებრივი საკითხების შესახებ ტრენინგები გაიარეს.

სამეწარმეო სკოლის მსმენელებმა თავიანთი ბიზნესიდეების დასახვეწად ინდივიდუალური, საჭიროებებზე დაფუძნებული კონსულტაციები, მენტორისა და ქოუჩის მხარდაჭერა მიიღეს.

სამეწარმეო სკოლის ფარგლებში მსმენელები სასწავლო ვიზიტით სხვადასხვა კომპანიაში იმყოფებოდნენ. ისინი ფერმერთა სახლს აგროქართლი • Agrokartli”, გორის საკონსერვო ქარხანას კულა” ძევერის მეფრინველეობის ფაბრიკას და რძის საწარმო „ნებიერა”–ს ესტუმრნენ.

ვიზიტების ფარგლებში მსმენელბი საწარმოო პროცესს გაეცნენ, მათთვის საინტერესო საკითხებზე შეკითხვები დასვეს და პასუხები მიიღეს. სტუდენტებს განსაკუთრებულად, პროდუქციის გაყიდვის მაჩვენებელი, ექსპორტთან დაკავშირებული საკითხები და დასაქმების შესაძლებლობები აინტერესებდათ.

სამეწარმეო სკოლა გორში პროექტის „ევროკავშირი ახალგაზრდებისთვის – ახალგაზრდების განათლების, დასაქმებისა და ჩართულობის ხელშეწყობა საქართველოსა და უკრაინის კონფლიქტით დაზარალებულ რეგიონებში“ ფარგლებში დაფუძნდა.

პროექტის მიზანია იძულებით გადაადგილებული და კონფლიქტის შედეგად დაზარალებული ახალგაზრდების საზოგადოებაში მონაწილეობა გაძლიერდეს.

პროექტს „ევროკავშირი ახალგაზრდებისთვის – ახალგაზრდების განათლების, დასაქმებისა და ჩართულობის ხელშეწყობა საქართველოსა და უკრაინის კონფლიქტით დაზარალებულ რეგიონებში“ ევროკავშირის ფინანსური მხარდაჭერით, განათლების განვითარებისა და დასაქმების ცენტრი (EDEC) ლტოლვილთა დანიის საბჭოსთან (DRC) ერთად ახორციელებს.

„პროექტის მიზანი  წალკის მუნიციპალიტეტში არსებული პრობლემების: ცხოველების დაცვა და განათლების ხარისხის გაუმჯობესება  წვლილის შეტანა იყო“. –  ბარეთის საჯარო სკოლის საინიციატივო ჯგუფის ხელმძღვანელი მარიამ ელოშვილი
ტენდერი გამოცხადებულია განათლების განვითარების და დასაქმების ცენტრის პროექტის „უკრაინაში, მოლდოვაში, საქართველოსა და სომხეთში მცხოვრები ახალგაზრდების კარიერის მართვის და სოციალური მეწარმეობის უნარების განვითარება, სოციალური სტუდენტური
ქუთაისის ი.გოგებაშვილის პირველი საავტორო სკოლის  მე-11 კლასის მოსწავლე ელისაბედ გოშხეთელიანი, EDEC-ის მიერ შექმნილი ონლაინ სწავლების პლატფორმის elearning.edec.ge პირველი კურსდამთავრებულია, რომელმაც წარმატებით გაიარა ონლაინ კურსი „ყველაფერი
Skip to content