სამოქალაქო განათლების საუკეთესო პედაგოგები დაჯილდოვნენ

სამოქალაქო განათლების საუკეთესო პედაგოგები, სამოქალაქო განათლების პედაგოგთა მერვე ფორუმის ეროვნულ გამოფენა- კონფერენციაზე დასახელდნენ. ღონისძიება 25 მაისს, თბილისში, საგამოფენო პავილიონში „ექსპოჯორჯია” გაიმართა.

განათლების მეცნიერების კულტურისა და სპორტის მინისტრის მოადგილემ ირინა აბულაძემ, აშშ საერთაშორისო განვითარების სააგენტოს (USAID) დემოკრატიის, მმართველობის და სოციალური განვითარების ოფისის დირექტორთან, ადამ შმიდტან, მასწავლებელთა პროფესიული განვითარების ეროვნულ ცენტრთან და PH international–თან ერთად სამოქალაქო განათლების წლის საუკეთესო პედაგოგები დააჯილდოვა.

იმერეთის რეგიონის წლის საუკეთესო მასწავლებელი თერჯოლის მუნიციპალიტეტის სოფელ სიქთარვის და ქუთისის სკოლა პროგრესის” სამოქალაქო განათლების პედაგოგი მაკა კაჭკაჭიშვილი გახდა. კლუბის საუკეთესო მეურვედ ზესტაფონის მუნიციპალიტეტის სოფელ ილემის სამოქალაქო განათლების მასწავლებელი ზვიად ნიქაბაძე დასახელდა. წლის წარმატებული მასწავლებელი ბაღდათის მუნიციპალიტეტის სოფელ ვარციხის საჯარო სკოლის პედაგოგი ნანა მარღანია გახდა.

ღონისძიება პროგრამა „მომავლის თაობა” ფარგლებში გაიმართა. პროგრამას ორგანიზაცია PH international, სამოქალაქო განათლების პედაგოგთა ფორუმთან და რეგიონალურ პარტნიორ ორგანიზაციებთან ერთად აშშ საერთაშორისო განვითარების სააგენტოს დაფინანსებითა და საქართველოს განათლების, მეცნიერების, კულტურისა და სპორტის სამინისტროს ხელშეწყობით ახორციელებს.

მოხალისეობის კვირეულის ფარგლებში, განათლების განვითარების და დასაქმების ცენტრის (EDEC) ინიციატივას – მთელი კვირის განმავლობაში ახალგაზრდების ჩართულობით განხორციელდეს  გარემოზე ზრუნვის სიმბოლური  აქტივობები, ამჯერად  ქუთაისის შშმ
2022 წლის 5 დეკემბერს, ევროკავშირის მხარდაჭერით, განათლების განვითარების და დასაქმების ცენტრმა (EDEC), მოხალისეობის საერთაშორისო დღესთან დაკავშირებით ქ. ქუთაისში გამოფენა გამართა, რომელშიც მონაწილეობდნენ ახალგაზრდები (უფროსკლასელები,
2 დეკემბერს, ქალაქ ბათუმში, განათლების განვითარების და დასაქმების ცენტრმა (EDEC), პროექტის „ჩემი სახლის მმართველი – შესაძლებლობები ნდობის მშენებლობისთვის” ფარგლებში შემაჯამებელი შეხვედრა გამართა. ღონისძიების მიზანი
Skip to content