ჩემი სახლის მმართველის სასწავლო კურსის მოსამზადებლად გერმანიაში სასწავლო ვიზიტი გაიმართა

პროექტის „ჩემი სახლის მმართველი – ჩემი მომავლის მმართველი“ 12 მონაწილე გერმანიაში, ქალაქ ბოხუმში ერთკვირიანი (22–26 ივლისი) სასწავლო ვიზიტით იმყოფებოდა.

სასწავლო ვიზიტის მიზანი იყო გერმანიის მაგალითზე დაყრდნობით სახლის მმართველის სასწავლო მოდულების შექმნა, რომლებიც საქართველოში არსებულ პროფესიულ სასწავლებლებში დაინერგება.

სასწავლო ვიზიტის მონაწილეებს ტრენინგები „ბინათმესაკუთრეთა ამხანაგობების და უძრავი ქონების ევროპის საგანმანათლებლო ცენტრის“ (EBZ) აკადემიის ტრენერებმა ჩაუტარეს. მონაწილეები სახლის მმართველის ფუნქცია მოვალეობებს გაეცნენ, მიიღეს ინფორმაცია მშენებლობის უსაფრთხოების, წყალგაყვანილობის, სასმელი წყლის რეგულაციების შესახებ, ასევე გაეცნენ სწავლების თანამედროვე მეთოდებს, EBZ –ის კამპუსს და ტექნიკური ინსტრუქციებიც მიიღეს.

სასწავლო ვიზიტში განათლების განვითარების და დასაქმების ცენტრის (EDEC), სამშენებლო კოლეჯის „კონსტრუქტ 2“, დეველოპერული კომპანიის „m2”, ,,აჭარის დასაქმების სააგენტოს, ქალაქ ფოთის მუნიციპალიტეტის მერიის ჯანმრთელობისა და სოციალური დაცვის სამსახურის დევნილთა განყოფილების და საქველმოქმედო ჰუმანიტარული ცენტრის „აფხაზეთი“ წარმომადგენლები მონაწილეობდნენ.

პროექტს „ჩემი სახლის მმართველი – ჩემი მომავლის მმართველი“ ახორცილებს „ინიციატივა ბინათმესაკუთრეთა ამხანაგობებისთვის აღმოსავლეთ ევროპაში“ (IWO e.V), „ევროპის საგანმანათლებლო ცენტრი ბინათმესაკუთრეთა ამხანაგობებისა და უძრავი ქონებისთვის” (EBZ), საქველმოქმედო ჰუმანიტარული ცენტრი „აფხაზეთი“ (CHCA), განათლების განვითარების და დასაქმების ცენტრი (EDEC) გერმანიის საგარეო საქმეთა სამინისტროს მხარდაჭერით.

Share on facebook
Share on twitter
Share on linkedin
2022  წლის 21 მაისს, ევროკავშირის მიერ მხარდაჭერილი პროექტის „სამოქალაქო საზოგადოების ინიციატივა“ ფარგლებში, განათლების განვითარების და დასაქმების ცენტრის (EDEC) და შიდა ქართლის რეგიონული ჰაბის –
დღეს, კიდევ ერთი წარმატებული დასაქმების შესახებ გიამბობთ. 22 წლის ანანო გუმბერიძემ პროექტის შესახებ მეგობრისგან შეიტყო, ქუთაისის დასაქმების ცენტრში მივიდა და დასაქმების კონსულტანტებთან გასაუბრება გაიარა.
ვაკანსიის დასახელება: საგურამოს შეზღუდული შესაძლებლობის მქონე ბავშვთა და პირთა დღის ცენტრის პედაგოგი ვაკანსიის ადგილმდებარეობა: საგურამო მომწოდებელი: განათლების განვითარების და დასაქმების ცენტრი გამოქვეყნების თარიღი:  2022
Skip to content