განათლების განვითარების და დასაქმების ცენტრის მიერ, ბაღდათის და დუშეთის მუნიციპალიტეტში მცხოვრები ახალგაზრდებისთვის ტრენინგ-კურსი იქნა ორგანიზებული, რომლის მიზანს წარმოადგენდა მოქალაქეთა ჩართულობის თანამედროვე საკომუნიკაციო ტექნოლოგიების გამოყენების შესახებ ცოდნისა და უნარების გამომუშავების ხელშეწყობა, მათი ცნობიერების ამაღლება თანამედროვე საკომუნიკაციო პლატფორმების, მხარდამჭერთა მობილიზების, გადამოწმებული ინფორმაციის გავრცელების, მოქალაქეთა პოზიციის გამოხატვასა და გადაწყვეტილების მიღების პროცესში ჩართულობის მექანიზმების, ადვოკატირების კამპანიების დაგეგმვისა და განხორციელების თემებზე.
ტრენინგ-კურსი ორგანიზებული იყო პროექტის: „მოქალაქეთა გაძლიერება ადგილობრივ მმართველობაში მდგრადი განვითარების მიზნით“ ფარგლებში, რომელსაც განათლების განვითარების და დასაქმების ცენტრი (EDEC) გაეროს განვითარების პროგრამის (UNDP), დანიის საგარეო საქმეთა სამინისტროსა და საქართველოს მთავრობის მხარდაჭერით ახორციელებს.
