TV იმედის ინტელექტუალურ შოუში „უპასუხე საქართველოს“ მოგებული თანხით მოხალისეებმა ხობის შეზღუდული შესაძლებლობის მქონე ბავშვთა დღის ცენტრს „ჩვენი სახლი“ განმავითარებელი რესურსები შეუძინეს და გადასცეს.
მოხალისეებმა შეძენილი ნივთები თავად მიიტანეს დღის ცენტრში. პანდემიის გამო პატარები საჩუქრების გადაცემის ცერემონიალს ვერ დაესწრნენ, თუმცა, ნივთების ნაწილს ისინი საახალწლოდ სახლში მიიღებენ.
შეგახსენებთ, რომ მოხალისეებმა შოუში პროექტის „სამოქალაქო საზოგადოების განვითარების ინიციატივა“ ფარგლებში 19 სექტემბერს მიიღეს მონაწილეობა. სატელევიზიო შოუში მათი მონაწილეობა მიზნად ისახავდა მოხალისეობის შესახებ საზოგადოების ცნობიერების ამაღლებას და მოხალისეობრივ აქტივობებში ჩართულობის გაზრდას.
