ქუთაისის ბიზნეს სკოლის მეორე ეტაპი დაიწყო

ბიზნეს სკოლის მეორე ეტაპზე გადასული 20 მონაწილე 4 ჯგუფად გადანაწილდა. დღეიდან ერთი თვის მანძილზე ბიზნეს სკოლის მსმენელები ჯგუფის მენტორთან ერთად კონკრეტული ამოცანების შესასრულებლად იმუშავებენ.

ჯგუფების მენტორები იქნებიან – დავით ჟორჟოლიანი, სოციალური მედიის მენეჯერი, ნატო ჭელიძე, „ფინკა ბანკის“ ფულადი სახსრების მოზიდვის კოორდინატორი, ილია ნაცვალაძე, საქართველოს გაეროს ასოციაციის (UNAG) პროგრამების კოორდინატორი დასავლეთ საქართველოში და ეკა ფხაკაძე, ჟურნალისტი, ქუთაისის აკაკი წერეთლის სახელმწიფო უნივერსიტეტის ლექტორი.

ოთხივე ჯგუფი პროექტის პარტნიორი კომპანიების მიერ დასახული კონკრეტული ამოცანების შესასრულებლად იმუშავებს. აღნიშნული ამოცანების შესრულება ბიზნეს სკოლის პირველი ეტაპის ფარგლებში მიღებული ცოდნის პრაქტიკაში გამოყენებას ემსახურება. ამოცანების შესრულების პარალელურად ჯგუფები კონკურსში მონაწილეობენ. იმ ჯგუფს, რომელიც საუკეთესოდ გაართმევს თავს მათთვის დაკისრებულ დავალებას, სპეციალური ჟიური გამოავლენს და დააჯილდოვებს.

ბიზნეს სკოლის პირველი ეტაპის ფარგლებში სკოლის მსმენელებმა ბიზნესის ზოგადი მენეჯმენტი, ფინანსური მენეჯმენტი, მარკეტინგის მენეჯმენტი, რესურსების მობილიზება და სამართლებრივი საკითხები შეისწავლეს. ბიზნეს სკოლის პირველი ეტაპის ფარგლებში ისინი სხვადასხვა საწარმოში იმყოფებოდნენ. მსმენელებს შესაძლებლობა ჰქონდათ გაცნობოდნენ საწარმოო პროცესს, შეხვედროდნენ კომპანიების თანამშრომლებს და მათთვის საინტერესო საკითხებზე ამომწურავი პასუხები მიეღოთ.

ბიზნეს სკოლისთვის ქუთაისში მცხოვრები დამამთავრებელი კლასების 60 მოსწავლე სააპლიკაციო განაცხადის და გასაუბრების შემდეგ შეირჩა. ბიზნეს სკოლა განათლების განვითარების და დასაქმების ცენტრის (EDEC) და ქუთაისის უნივერსიტეტის ერთობლივი პროექტია. პროექტის პარტნიორია „ფინკა ბანკი“ და სააფთიაქო ქსელი „პსპ“.

Share on facebook
Share on twitter
Share on linkedin
2022  წლის 21 მაისს, ევროკავშირის მიერ მხარდაჭერილი პროექტის „სამოქალაქო საზოგადოების ინიციატივა“ ფარგლებში, განათლების განვითარების და დასაქმების ცენტრის (EDEC) და შიდა ქართლის რეგიონული ჰაბის –
დღეს, კიდევ ერთი წარმატებული დასაქმების შესახებ გიამბობთ. 22 წლის ანანო გუმბერიძემ პროექტის შესახებ მეგობრისგან შეიტყო, ქუთაისის დასაქმების ცენტრში მივიდა და დასაქმების კონსულტანტებთან გასაუბრება გაიარა.
ვაკანსიის დასახელება: საგურამოს შეზღუდული შესაძლებლობის მქონე ბავშვთა და პირთა დღის ცენტრის პედაგოგი ვაკანსიის ადგილმდებარეობა: საგურამო მომწოდებელი: განათლების განვითარების და დასაქმების ცენტრი გამოქვეყნების თარიღი:  2022
Skip to content