პროექტის „შშმ პირთა ინდივიდუალურ უნარებზე დაფუძნებული პროფესიული განათლებისა და დასაქმების ხელშეწყობა“ ფარგლებში პროექტის ბენეფიციარებისათვის კარიერული დაგეგმვის ტრენინგი გაიმართა.
ტრენინგის მიზანს მონაწილეებისთვის კომუნიკაციის ტექნიკების გაცნობა და ეფექტური კომუნიკაციის უნარების გამომუშავება წარმოადგენდა. მონაწილეები ასევე გაეცნენ CV-ის ფორმების, სამსახურეობრივი ინტერვიუს ტექნიკების და საქმიანი ეტიკეტის ნორმების მიზნობრივი გამოყენების წესებს.
ტრენინგის მიმდინარეობას ქუთაისის მუნიციპალიტეტის მერის მოადგილე ნინო თვალთვაძეც დაესწრო. მერის მოადგილე ასევე ესტუმრა იმ ორგანიზაციებსა და დაწესებულებებს, სადაც შშმ პირები სხვადასხვა პროფესიებს სამუშაოზე მიმაგრებული სწავლებით ეუფლებიან.
პროექტმა პროფესიული სწავლებისა და დასაქმების შანსი იმ შეზღუდული შესაძლებლობის მქონე პირებს მისცა, რომლებსაც საბაზისო განათლების არ ქონის გამო პროფესიული განათლების სახელმწიფო პროგრამებზე ხელი არ მიუწვდებოდათ.
პროექტი „შშმ პირთა ინდივიდუალურ უნარებზე დაფუძნებული პროფესიული განათლებისა და დასაქმების ხელშეწყობა“ ხორციელდება ქუთაისის მუნიციპალიტეტის მერიის ფინანსური მხარდაჭერით განათლების განვითარების და დასაქმების ცენტრის (EDEC) მიერ.
