ქუთაისში სამოქალაქო საზოგადოების რეგიონული ფორუმი გაიმართა

იმერეთის მხარის ადგილობრივი თვითმმართველობების, სამოქალაქო საზოგადოების, მედიისა და დონორი ორგანიზაციების წარმომადგენლების მონაწილეობით ქუთაისში, 12 აპრილს, სამოქალაქო საზოგადოების რეგიონული ფორუმი გაიმართა.

ფორუმის მიზანი იმერეთში სამოქალაქო საზოგადოების გასაძლიერებლად დონორი ორგანიზაციების დაინტერესება იყო.

ფორუმის ფარგლებში რამდენიმე სადისკუსიო პანელი მოეწყო, სადაც სხვადასხვა საკითხები მიმოიხილეს, მათ შორის სამოქალაქო საზოგადოების ორგანიზაციების წინაშე არსებული საჭიროებები და გამოწვევები.

განათლების განვითარების და დასაქმების ცენტრი (EDEC) ფორუმზე სპეციალური პანელით წარსდგა, რომელიც მოხალისეობას მიეძღვნა. პანელის მოდერატორი განათლების განვითარების და დასაქმების ცენტრის (EDEC) აღმასრულებელი დირექტორი ნათია ნამიჭეიშვილი იყო.

პანელის ფარგლებში საქართველოში მოხალისეობის გამოწვევების და შესაძლებლობების შესახებ ლიკა კილაძემ, განათლების განვითარებისა და დასაქმების ცენტრის (EDEC) გამგეობის თავმჯდომარემ ისაუბრა. ორმხრივი მოხალისეობის ფორმა „დროის ბანკი“ და მისი წარმატებული მაგალითები მაკა ჩინიჯიშვილმა, „დროის ბანკის“ ექსპერტმა წარადგინა.

ფორუმი ორგანიზებულია პროექტის „სამოქალაქო საზოგადოების განვითარების ინიციატივა“ ფარგლებში. პროექტი ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციის და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი, ხოლო თანადამფინანსებელია კონრად ადენაუერის ფონდი.

 

2022 წლის 24 ივნისს, ევროკავშირის მიერ მხარდაჭერილი პროექტის „სამოქალაქო საზოგადოების ინიციატივა“ ფარგლებში, განათლების განვითარების და დასაქმების ცენტრის (EDEC) და სამეგრელო-ზემო სვანეთის რეგიონული ჰაბი „ათინათის“
”ახლა უკვე მაქვს სამსახური და კარგი სამუშაო გარემო, რაც ვფიქრობ ძალიან მნიშვნელოვანია” მაკა ჯოხარიძე, ამჟამად თელავში, “Corso Italy”-ში კონსულტანტის პოზიციაზე მუშაობს. ძალიან მცირე სამუშაო
21 ივნისს, კახეთში, თელავის ვაჟა-ფშაველას სახელობის პროფესიულ სახელმწიფო დრამატულ თეატრში დასაქმების  ფორუმი გაიმართა. დასაქმების ფორუმის მიზანი იყო ახალგაზრდების, იძულებით გადაადგილებული, სამუშაო გამოცდილების არმქონე, ხანგძლივი
Skip to content