ჩხოროწყუს მუნიციპალიტეტის საჯარო სკოლებში სკოლის უსაფრთხოების „რეინჯერების“ მომზადება Covid-19 პრევენციისთვის

 „ჩხოროწყუს მუნიციპალიტეტის საჯარო სკოლებში სკოლის უსაფრთხოების „რეინჯერების“ მომზადება Covid-19 პრევენციისთვის“ საინიციატივო ჯგუფის „ასოციაცია სოფლის მეურნეობის განვითარებისთვის“ მიერ წარმოდგენილი ინიციატივაა, რომელმაც პროექტის „სამოქალაქო საზოგადოების განვითარების ინიციატივა“ ფარგლებში, განათლების განვითარების და დასაქმების ცენტრის (EDEC) მიერ გამოცხადებულ კონკურსში „იდეების კონკურსი მოხალისეობრივი ინიციატივებისთვის“ გაიმარჯვა.

ინიციატივა მიზნად ისახავს Covid-19-ის პრევენციის ხელშეწყობას ჩხოროწყუს მუნიციპალიტეტის 20 საჯარო სკოლაში უსაფრთხოების რეინჯერების მომზადების/გადამზადების გზით.

ინიციატვის ფარგლებში სურსათის ეროვნულ სააგენტოსთან თანაშრომლობით ჩხოროწყუს მუნიციპალიტეტის 20 საჯარო სკოლის თანამშრომელი, მომავალი ,,კოვიდრეინჯერი” გადამზადდა ორდღიანი ტრენინგის საშუალებით. გადამზადებულმა კოვიდ რეინჯერებმა კი სასკოლო საზოგადოების 642 წარმომადგენელს (ადმინისტრაცია, მასწავლებლები, მოსწავლეები, მშობელთა საბჭო) ჩაუტარეს ტრენინგი კორონავირუსის (COVID-19) გავრცელების პრევენციის წესებსა და გზებზე.

მოწვეული ექსპერტების მიერ შემუშავდა კოვიდ-19 პრევენციის წესების კრებული სკოლის დამლაგებლებისთვის. აღნიშნული წესების შესახებ ინსტრუქტაჟი მოხალისეობრივ საწყისებზე ჩაუტარდათ ჩხოროწყუს მინიციპალიტეტის 20 სკოლის 15 დამლაგებელს. ოცივე სამიზნე სკოლაში შეიქმნა კორონავირუსის (COVID-19) გავრცელების პრევენციის კუთხე, მომზადდა საინფორმაციო დაფა ვიზუალური და წერილობითი ინფორმაციით კოვიდ-19 პრევენციის ღონისძიებების შესახებ.

ონლაინ სწავლების სირთულეებთან გამკლავების მიზნით, ამავე ინიციატივის ფარგლებში სამიზნე სკოლების 20 პედაგოგს ჩაუტარდა ტრენინგი ელექტრონული პლატფორმა Teams-ის გამოყენების ტექნიკებზე.

„სამოქალაქო საზოგადოების განვითარების ინიციატივა“ ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციისა და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი (EU), ხოლო თანადამფინანსებელია კონრად ადენაუერის ფონდი (KAS).

კარლი კობახიძე ამჟამად თიბისი ბანკში, მინი-ბიზნეს დაკრედიტების ექსპერტის პოზიციაზე მუშაობს. “ჩემი დიდი სურვილია  ოჯახები მშობლიურ კუთხეებს დაუბრუნდნენ, ყველა სახლში ენთოს სინათლე და ბავშვების ჟრიამული
2022 წლის 17 ნოემბერს, ევროკავშირის მიერ მხარდაჭერილი პროექტის „სამოქალაქო საზოგადოების ინიციატივა“ ფარგლებში, განათლების განვითარების და დასაქმების ცენტრის (EDEC) და გურიის რეგიონული ჰაბის – ინოვაციებისა
10 ნოემბერს,  ევროკავშირის მხარდაჭერით, განათლების განვითარების და დასაქმების ცენტრმა (EDEC), დასაქმების ხელშეწყობის სახელმწიფო სააგენტოსთან პარტნიორობით (SESA), ქუთაისში, დასაქმების ფორუმი გამართა. ფორუმში მონაწილეობდნენ საქართველოში ევროკავშირის
Skip to content