წარმატების ისტორია კახეთიდან

სოფო ქუმსიაშვილი ამჟამად საბავშვო ბაღში „ეკო გარდენი“ მენეჯერის პოზიციაზე მუშაობს

„არასოდეს თქვათ უარი თქვენს საყვარელ საქმეზე, ყოველთვის მიჰყევით თქვენს ოცნებებს და ისინი რეალობად იქცევიან”

13 წლიდან ბავშვებთან ვმუშაობდი. პირველი ჩემი სამუშაო ადგილი თბილისში, მაკდონალდსის დაბადების დღის ცენტრი იყო. მალევე მივხვდი, რომ პატარებთან ურთიერთობა უდიდეს  ბედნიერებას მანიჭებდა. როდესაც მეკითხებოდნენ რა იყო ჩემი ოცნება,  ვპასუხობდი: მქონოდა საკუთარი საბავშვო ბაღი, რომ  ჩემი ყოველი დღე ბავშვურ სიკეთეს და სიხარულს აევსო. შემდეგ მოხდა ისე, რომ გარკვეული პერიოდი ბანკში  დავსაქმდი,  მაგრამ , მალევე მივხვდი –  ცხოვრებაში ყველაზე მთავარია  აკეთო ის, რაც ყველაზე ძალიან გიყვარს.

დასაქმების ცენტრის შესახებ მეგობრიდან  შევიტყვე და დასაქმების კონსულტანტებს დავუკავშირდი. ასე ჩავნიშნეთ პირველი შეხვედრა. შეხვედრაზე მისულს  ძალიან თბილი გარემო დამხვდა. ცენტრის წარმომადგენლებმა გამიწიეს კონსულტირება და ჩემი გამოცდილებისა და ინტერესების შესაბამისი სამსახურის  მოძიება დაიწყეს. მოკლე დროში დამიკავშირდნენ  და უზრუნველყვეს გასაუბრება პოტენციურ დამსაქმებელთან, რომელიც საბავშვო ბაღის გახსნას გეგმავდა. სამწუხაროდ პანდემიის გამო  ბაღის გახსნა გადაიდო და ამიტომ გერმანიაში, ჩემს მშობლებთან წავედი.  იქ გარკვეული პერიოდი გავატარე. როდესაც უკან დავბრუნდი, დასაქმების ცენტრს  კვლავ, როგორც  სამუშაოს მაძიებელმა ისე მივმართე. უმოკლეს დროში დასაქმების კონსულტანტები  დამიკავშირდნენ და საბავშვო ბაღის „ეკო გარდენის“ მენეჯერის პოზიცია შემომთავაზეს. სიხარულით  დავთანხმდი.  წარმატებული გასაუბრების შემდეგ ამ პოზიციაზე დავსაქმდი.

მე ვარ ამაყი რომ გავბედე და არ ვთქვი უარი საკუთარ ოცნებებზე. ძალიან ბედნიერი ვარ, რადგან იმ საქმეს ვაკეთებ რაც ყველაზე ძალიან მიყვარს.

ფესიული პროგრამების პოპულარიზაციის მიზნით, კოლეჯ კონსტრუქტ2ში საგანმანათლებლო პროგრამების ღია კარის დღე მოეწყო. ღონისძიებას 200-მდე ზესტაფონისა და ხარაგაულის სკოლის მოსწავლე დაესწრო, რომლებიც ადგილზე გაეცნენ ამომწურავ
„პროექტის განხორციელება პირველ რიგში დაგვეხმარება, რომ უფრო მეტ ახალგაზრდას ავუმაღლოთ ცნობიერება მოხალისეთა უფლება-მოვალეობების შესახებ და ამით უზრუნველვყოთ ჩვენი ორგანიზაციის საქმიანობის ძირითადი მიზნების განხორციელება.  გარდა
2024 წლის 26 აპრილს, ბათუმში, სასტუმრო „რედისონში“, ევროკავშირის მიერ მხარდაჭერილი პროექტის „სამოქალაქო საზოგადოების ინიციატივა“ ფარგლებში, განათლების განვითარების და დასაქმების ცენტრის (EDEC) და აჭარის რეგიონული
Skip to content