წარმატების ისტორია – მარიამ მოციქულაშვილი

29 წლის მარიამ მოციქულაშვილი მზარეულის დუალური პროგრამის კიდევ ერთი წარმატებული ბენეფიციარია.
მარიამი პროგრამაში მონაწილეობის მიღებამდე დასაქმებული იყო გორში სასტუმროში “ლაქი” დამხმარე მზარეულის პოზიციაზე. როდესაც პროგრამის შესახებ გაიგო, გადაწყვიტა კვალიფიკაცია აემაღლებინა. მან წარმატებით დაასრულა სასწავლო კურსი და მზარეულის პოზიციაზე დაწინაურდა.
“ამ პროფესიის მიმართ ინტერესი თავიდანვე მქონდა. მიყვარს კერძების მომზადების პროცესი, განსაკუთრებით ტრადიციულ კერძებს ვამზადებ სიამოვნებით. ამ კურსმა ბევრი რამ მასწავლა. ყველაზე დიდი გამოცდილება პრაქტიკული მუშაობისას მივიღე. სასტუმრო სადაც ვმუშაობ კოვიდსასტუმროებიდან ერთ–ერთია. ეს კიდევ სულ სხვა გამოცდილებაა. სულ პირველი პაციენტი რომ მოვიდა შიშის მომენტი მქონდა მაგრამ შიში გადავლახე. პაციენტების შეგულიანების მიზნით საკვების ყუთებზე გამამხნევებელ წარწერებს ვუწერდი, რაც მალე ჩვენს სასტუმროში ტრადიციად იქცა. გამოჯანმრთელების შემდეგ ძალიან ბევრმა პაციენტმა პირადად გამოხატა მადლიერება ასეთი თბილი ჟესტის გამო, ბევრს დავუმეგობრდი კიდეც.”
მარიამი პანდემიის დასრულების შემდეგ მზარეულის პროფესიით კიდევ უფრო მეტის სწავლას და განვითარებას გეგმავს.
დუალური პროფესიული განათლების სასწავლო პროგრამები, განათლების განვითარების და დასაქმების ცენტრმა (EDEC) ლტოლვილთა დანიის საბჭოსთან (DRC) ერთად, პროექტის „ევროკავშირი ახალგაზრდებისთვის – ახალგაზრდების განათლების, დასაქმებისა და ჩართულობის ხელშეწყობა საქართველოსა და უკრაინის კონფლიქტით დაზარალებულ რეგიონებში“ ფარგლებში, ევროკავშირის ფინანსური მხარდაჭერით განახორციელა.
დასრულდა ექვსდღიანი ტრენერთა ტრენინგის პირველი ეტაპი სოციალური მეწარმეობის თემაზე, რომელიც ონლაინ ფორმატით გაიმართა და კონკურსის შედეგად შერჩეული იმერეთისა და შიდა ქართლის სკოლების 17 მასწავლებელი
6 ივნისს, ზუგდიდში, განათლების განვითარების და დასაქმების ცენტრის და სამეგრელო-ზემო სვანეთის რეგიონული ჰაბის  ორგანიზებით,  რეგიონში მცხოვრები ახალგაზრდებისთვის ვორკშოპი ჩატარდა. ახალგაზრდებში მოხალისეობის კულტურის პოპულარიზაცია,  სამოქალაქო
28-31 მაისს, პროექტის „ჩემი სახლის მმართველი პროფესიული კვალიფიკაცია“ ფარგლებში, განათლების განვითარების და დასაქმების ცენტრის (EDEC) პარტნიორი კოლეჯების „კონსტრუქტ2“, „ახალი ტალღა“, „ბლექსი“ და „ბათუმის სახელმწიფო
Skip to content