წარმატების ისტორია რაჭიდან

,,ყოველთვის ეცადეთ თქვენივე რეგიონში იპოვოთ  შესაძლებლობა, რათა საკუთარი წვლილი შეიტანოთ მის განვითარებაში’’

ბექა ამჟამად კრედო ბანკში პრობლემური სესხის ოფიცრის პოზიციაზე მუშაობს.

სოციოლოგიის ფაკულტეტი დავასრულე და მალევე დავსაქმდი. ჯერ კიდევ დედაქალაქში  ვცხოვრობდი როცა პანდემიის პერიოდი დაიწყო.  კომპანიას, რომლისთვისაც ვმუშაობდი ფინანსური პრობლემები შეექმნა, შესაბამისად სამსახურის დატოვება  მომიწია. გადაწყვეტილება მივიღე მშობლიურ რაჭას დავბრუნებოდი. მიმაჩნია, რომ ყველა ჩვენგანი იმ ადგილს ვეკუთვნით სადაც დავიბადეთ და გავიზარდეთ.  ამგვარად რაჭაში ჩამოვედი და  მცირე მეურნეობას მივყავი ხელი, პარალელურად სამსახურის ძებნა დავიწყე.

დედაჩემმა დასაქმების ცენტრის შესახებ მიამბო. მეც  არ დავაყოვნე და ცენტრში მივედი. ძალიან თბილი და მეგობრული გარემო დამხვდა. დასაქმების კონსულტანტებს ჩემი ამბავი მოვუყევი. მათ სამუშაოს მაძიებელთა ბაზაში დამარეგისტრირეს და  შესაბამისი ვაკანსიის ძებნას შეუდგნენ. მალევე გამოჩნდა სამსახური, მაგრამ სამწუხაროდ ჩემს უნარებსა და ინტერესებს ნაკლებად მოერგო. იმედს არ ვკარგავდი, რადგან ვიცოდი, რომ  შესაფერისი სამუშაო, სწორედ საჭირო დროს  გამოჩნდებოდა. ასეც მოხდა,   დასაქმების ცენტრის წარმომადგენლებმა  დამირეკეს და ბანკში პრობლემური სესხის ოფიცრის ვაკანსიის შესახებ მითხრეს. გასაუბრებაზე, დასაქმების იმედით და საკუთარი თავის რწმენით წავედი. საბედნიეროდ ის კადრი ავღმოჩნდი, ვისაც ეძებდნენ. ჩემი მოლოდინები გამართლდა, სამსახურში ძალიან მეგობრული გარემოა  და რაც მთავარია,  ყოველი  დღე ჩემს მშობლიურ რაჭასთან კიდევ უფრო მაახლოებს.

2024 წლის 14 თებერვალს, ტყიბულის მუნიციპალიტეტის მერიაში, განათლების განვითარების და დასაქმების ცენტრმა (EDEC), ფონდ „აფხაზინტერკონტთან“ (AIC) პარტნიორობით, პროექტის „მოქალაქეები ადგილობრივი განვითარებისთვის“ ფარგლებში საინფორმაციო შეხვედრა
2024 წლის 12 თებერვალს, ონის მუნიციპალიტეტის მერიაში, განათლების განვითარების და დასაქმების ცენტრმა (EDEC), ფონდ „აფხაზინტერკონტთან“ (AIC) პარტნიორობით, პროექტის „მოქალაქეები ადგილობრივი განვითარებისთვის“ ფარგლებში საინფორმაციო შეხვედრა
„მონაწილეობა და აქტიური მოქალაქეობა გულისხმობს უფლებების, საშუალებებისა და შესაძლებლობათა ქონას, ასევე საჭიროებათა შემთხვევაში მხარდაჭერას გადაწყვეტილებების მიღების პროცესში სათანადო ჩართულობით. ახალგაზრდების მონაწილეობა აღიარებული უფლებაა საერთაშორისო
Skip to content