შეზღუდული შესაძლებლობის მქონე პირთა საერთაშორისო დღესთან დაკავშირებით ქუთაისის შეზღუდული შესაძლებლობის მქონე ბავშვთა დღის ცენტრს ტრადიციულად აკაკი წერეთლის სახელმწიფო უნივერსიტეტის წარმომადგენლები – შალვა კირთაძე, მაკა ხეცურიანი და სტუდენტები სტუმრობდნენ.
სტუმრებმა დღის ცენტრს საოჯახო ტექნიკა და საკანცელარიო ნივთები გადასცეს საჩუქრად. წაიკითხეს ზღაპრები და სამომავლო ურთიერთობებზეც ისაუბრეს.
დღის ცენტრების პროგრამა ხორციელდება განათლების განვითარების და დასაქმების ცენტრის მიერ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს სსიპ სოციალური მომსახურების სააგენტოს მხარდაჭერით.
