ჩვენი საინიციატივო ჯგუფი შედგება შვიდი წევრისაგან, ყველა მათგანი ვცხოვრობთ წეროვნის დევნილთა დასახლებაში და გაერთიანებული ვართ წეროვნის საზოგადოების კეთილდღეობისა და განვითარების სურვილის ირგვლივ. საინიციატივო ჯგუფის უმეტესობა ვართ სტუდენტი, ასევე ჩვენ ვმართავთ წეროვნის ფეისბუქ ჯგუფს სადაც ამ მომენტისთვის 13 ათასზე მეტი ადამიანია გაწევრიანებული და მთლიანად ემსახურება მოსახლეობის ინტერესებს.
სამწუხაროდ, დროთა განმავლობაში მსგავსი ღონისძიებები შემცირდა, რამაც გადაგვაწყვეტინა, რომ საჭირო იყო ისეთი აქტივობის ჩატარება, რაც ადგილობრივ ახალგაზრდობასა და არა მხოლოდ ახალგაზრდობას, მთელს დასახლებას გააერთიანებდა სპორტული, კულტურული, საგანმანათლებლო და გასართობი აქტივობების ირგვლივ.
ამ იდეის ფარგლებში გვინდოდა სოფლის მოსახლეობაში ერთიანობის განცდა გაგვეზარდა, ასევე შეგვექმნა მნიშვნელოვანი და სასიამოვნო გამოცდილება, რომელიც ხელახლა დააკავშირებდა სხვადასხვა თაობას, გააცოცხლებდა კულტურულ და რეკრეაციულ აქტივობებს და შესთავაზებდა პლატფორმას ადგილობრივ მეწარმეებს და ბიზნესებს თავიანთი პროდუქციის წარმოსაჩენად. საბოლოო ჯამში, ჩვენი მიზანი იყო შეგვექმნა გრძელვადიანი გავლენა, რომელიც გააძლიერებდა კავშირებს ჩვენს საზოგადოებაში და შესთავაზებდა პოზიტიურ გამოცდილებას ყველა ასაკის ადამიანს, განსაკუთრებით კი ბავშვებს, რომლებსაც ბოლო წლებში ასეთი შესაძლებლობები არ ჰქონდათ.
ასე განვახორციელეთ წეროვნის საზაფხულო ფესტივალი, რომელმაც დიდი წარმატებით ჩაიარა. ღონისძიებამ გააძლიერა საზოგადოებაში ერთიანობის შეგრძნება, შექმნა ახალი კავშირები და გააჩინა სიამაყე მაცხოვრებლებში. კულტურული და სოციალური აქტივობების გამოცოცხლებით ჩვენ შევქმენით საფუძველი მომავალი ღონისძიებებისთვის, რომელთაც შეუძლიათ გააგრძელონ ჩვენი სოფლის ერთიანობის ხელშეწყობა და ჩვენი ხალხის განვითარებისა და კეთილდღეობის მხარდაჭერა.
