ნინო გვაგვალია EDEC-ის წარმატებული თანამშრომელი და ოთხი შვილის ბედნიერი დედაა. ის ორგანიზაციის გუნდს დასაქმების მხარდაჭერის პროექტის ფარგლებში 2018 წელს შემოუერთდა და მას შემდეგ მნიშვნელოვანი წვლილი შეაქვს სამეგრელო-ზემო სვანეთში პროექტების წარმატებით განხორციელებასა და ახალგაზრდების განათლებასა და დასაქმებაში.
“EDEC-ის გუნდის წევრობა და 4 შვილის დედობა ჩემთვის არის იმედიანი სივრცე – სივრცე, რომელიც მაძლევს ძალას და მოტივაციას ვიზრუნო ადამიანებზე, რომლებსაც ჩემი მხარდაჭერა სჭირდებათ და კიდევ უფრო მეტი ენერგიით დავბრუნდე სახლში და ჩავეხუტო ჩემს პატარებს.”
