დუალური პროფესიული განათლების სასწავლო პროგრამაში ჩართულმა 9 მონაწილემ სასტუმროს საქმე შეისწავლა. პროფესიული განათლების პროგრამა განხორციელდა შპს საზოგადოებრივი კოლეჯი ზუგდიდის აკადემიასთან პარტნიორობით, სასტუმროების „დივანი”, „ანაკლია”, „გრანდ ჰოტელი” ბაზაზე.
მონაწილეებმა სერტიფიცირების პროცესი ზუგდიდის შოთა მესხიას სასწავლო უნივერსიტეტის ბაზაზე, იმიტირებულ გარემოში გაიარეს, რომელიც მოიცავდა სასტუმროს პრეზენტაციას და როლურ თამაშებს: სტუმრის მიღება–განთავსება, რეზერვაცია, პრობლემური სიტუაციის აღმოფხვრა და სტუმრის გაწერის პროცედურა.
სერტიფიცირების მიზანი იყო პროგრამაში ჩართული მონაწილეების პროფესიული ცოდნის და ზოგადი უნარების შეფასება პოტენციური დამსაქმებლის დაინტერესების მიზნით.
პროგრამაში ჩართული მონაწილეები შეაფასა სასერტიფიკაციო კომისიამ, რომელიც დაკომპლექტებული იყო ბიზნეს სექტორის, (სასტუმრო „დივანი”, სასტუმრო „ანაკლია” , სასტუმრო „გრანდ ჰოტელი” ) პროფესიული სასწავლებლისა (საზოგადოებრივი კოლეჯი „ზუგდიდის აკადემია”) და განათლების განვითარების და დასაქმების ცენტრის წარმომადგენლებისგან.
პროექტის მიზანია იძულებით გადაადგილებული და კონფლიქტის შედეგად დაზარალებული ახალგაზრდების საზოგადოებაში მონაწილეობა გაძლიერდეს.
პროექტს „ევროკავშირი ახალგაზრდებისთვის – ახალგაზრდების განათლების, დასაქმებისა და ჩართულობის ხელშეწყობა საქართველოსა და უკრაინის კონფლიქტით დაზარალებულ რეგიონებში“ ევროკავშირის ფინანსური მხარდაჭერით, განათლების განვითარებისა და დასაქმების ცენტრი (EDEC) ლტოლვილთა დანიის საბჭოსთან (DRC) ერთად ახორციელებს.
