შეზღუდული შესაძლებლობის მქონე ბავშვთა და პირთა დღის ცენტრის “იალონი“ ბენეფიციარებმა მათთვის ყველაზე სასიამოვნო და საინტერესო კულინარიულ აქტივობაში მიიღეს მონაწილეობა.
კულინარიის დღისთვის ბენეფიციარები განსაკუთრებულად ემზადებიან, რადგან მათ ამ დღეს შესაძლებლობა აქვთ პედაგოგების დახმარებით კულინარიული გამოწვევები დაძლიონ და თავიანთი შესაძლებლობები გამოავლინონ.
ამჯერად იტალიური სამზარეულოს გემოებს ეზიარნენ და პიცა მოამზადეს, რომლითაც ერთმანეთს გაუმასპინძლდნენ.
კულინარიის დღე ხელს უწყობს ბენეფიციართა ფუნქციური და პროფესიული უნარ-ჩვევების განვითარებას და დადებითი ზეგავლენა აქვს მათ განწყობაზე.
