29 თებერვალს, განათლების განვითარების და დასაქმების ცენტრის (EDEC) მიერ, პროექტის „ჩემი სახლის მმართველი – პროფესიული კვალიფიკაცია“ ფარგლებში ონლაინ შეხვედრა მოეწყო, რომლის მიზანია მონაწილეებისთვის სამდონიანი პროფესიული განვითარების ცენტრების კონცეფციის გაცნობა.
შეხვედრას პარტნიორი პროფესიული კოლეჯების წარმომადგენლები და სხვა დაინტერესებული პირები ესწრებოდნენ. ონლაინ შეხვედრის ფარგლებში პროექტის „ჩემი სახლის მმართველი – პროფესიული კვალიფიკაცია” უფროსმა მენეჯერმა იურგენ ჰოგეფორსტერმა და პროექტის მენეჯერმა კრისტიან ვილდტმა ისაუბრეს სამდონიანი პროფესიული განვითარების ცენტრების დიზაინსა და სტრუქტურაზე, მათი განვითარების როლსა და მნიშვნელობაზე საქართველოში.
პროექტს „ჩემი სახლის მმართველი – პროფესიული კვალიფიკაცია” ახორციელებს „ინიციატივა ბინათმესაკუთრეთა ამხანაგობებისთვის აღმოსავლეთ ევროპაში“ (IWO e.V), განათლების განვითარების და დასაქმების ცენტრი (EDEC), ჰანზა პარლამენტი და საქველმოქმედო ჰუმანიტარული ცენტრი აფხაზეთი (CHCA), გერმანიის ფედერალური საგარეო უწყების ფინანსური მხარდაჭერით.
