საგურამოს შეზღუდული შესაძლებლობის მქონე ბავშვთა და პირთა დღის ცენტრში ,,იალონი” სააღდგომო გამოფენა/გაყიდვა გაიმართა, რომელზეც ადგილობრივი თვითმმართველობის, სკოლებისა და სკოლამდელი აღზრდის დაწესებულებების, ილია წინამძღვრიშვილის სახელობის კოლეჯის წარმომადგენლები, სსიპ–სახელმწიფო ზრუნვისა და ტრეფიკინგის მხვერპლთა, დაზარალებულთა დახმარების სააგენტოს, მცხეთა-მთიანეთის რეგიონული ცენტრის უფროსი და სოციალური მუშაკები იყვნენ მოწვეულნი.
გამოფენას ასევე დღის ცენტრების სერვისით მოსარგებლეთა მშობლები, მეგობრები და ადგილობრივი თემის წევრები ესწრებოდნენ.
სააღდგომო სამზადისში განათლების განვითარების და დასაქმების ცენტრის (EDEC) მიერ ადმინისტრირებული ყველა დღის ცენტრი ჩაერთო. პედაგოგებმა სერვისით მოსარგებლეებთან ერთად სხვადასხვა სააღდგომო სიმბოლოები დაამზადეს და კვერცხები წითლად შეღებეს.
