ქუთაისის შეზღუდული შესაძლებლობის მქონე ბავშვთა დღის ცენტრის ,,ჯადოსნური სამყარო” ბენეფიციარები გასართობ ცენტრს ,,შენი სივრცე“ ესტუმრნენ. დღის ცენტრის ბენეფიციარები გასართობ ცენტრში ქუთაისის №23 საჯარო სკოლის, მე-3ა კლასის მოსწავლეებმა და დამრიგებელმა მაია ბაბუნაშვილმა მიიწვიეს.
ბავშვებმა ერთად სახალისო დრო ატარეს. დღის ბოლოს კი საზეიმო ტორტიც გაჭრეს. მსგავსი ღონისძიებები ბავშვებში პოზიტიური აზროვნების ჩამოყალიბებას უწყობს ხელს და დადებითად აისახება მათ განვითარებაზე. განათლების განვითარების და დასაქმების ცენტრი (EDEC) მადლობას უხდის ქუთაისის №23 საჯარო სკოლის მე-3ა კლასის მოსწავლეებს და დამრიგებელს მაია ბაბუნაშვილს.
დღის ცენტრების პროგრამა ხორციელდება განათლების განვითარების და დასაქმების ცენტრის მიერ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს სსიპ სოციალური მომსახურების სააგენტოს მხარდაჭერით.
