პოეტი და გამომცემლობა „უქიმერიონის“ დირექტორი ნათია ჯიმშელეიშვილი ქუთაისის შეზღუდული შესაძლებლობის მქონე ბავშვთა დღის ცენტრს „ჯადოსნურ სამყაროს“ შვილებთან ერთად ესტუმრა და მეზღაპრის მანტია მოისხა.
მან ბენეფიციარებს საყვარელი ზღაპრები წაუკითხა და საკუთარი ლექსების კრებული უსახსოვრა.
მსგავსი ღონისძიებები ბავშვებში პოზიტიური აზროვნების ჩამოყალიბებას უწყობს ხელს და დადებითად აისახება მათ განვითარებაზე.
დღის ცენტრების პროგრამა ხორციელდება განათლების განვითარების და დასაქმების ცენტრის მიერ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს სსიპ სოციალური მომსახურების სააგენტოს მხარდაჭერით.
