დღეს ქუთაისის დღის ცენტრს “ჯადოსნური სამყარო” ინდო ქართული საბჭოს წარმომადგენლები ესტუმრნენ და ცენტრის ბავშვებს დღე გაულამაზეს. მათ ბენეფიციარებს განმავითარებელი საშუალებები და ინდივიდუალური ტკბილეულის პაკეტები, ხოლო პედაგოგებს ყვავილები გადასცეს.
განმავითარებელი საშუალებები ცენტრს მუშაობის პროცესში მნიშვნელოვნად დაეხმარება და მოგვცემს შესაძლებლობას უკეთ წარვმართოთ სასწავლო პროცესი თითოეულ ბავშვთან, მათი უნარების შესაბამისად. ტკბილეულის პაკეტებით კი თითოეული ბავშვი საკუთარი ოჯახის წევრებს გაახარებს.
რეგულაციების სრული დაცვით დღის ცენტრების ოპერირების შესაძლებლობა ორგანიზაცია „რენოვაბის“ (გერმანიის კათოლიკეთა სოლიდარობის ინიციატივა ცენტრალურ და აღმოსავლეთ ევროპაში) მიერ მხარდაჭერილი პროექტის ფარგლებში მოგვეცა.
