ფორუმი განათლების განვითარების და დასაქმების ცენტრის (EDEC) ორგანიზებით, პროექტის – „ევროკავშირი ახალგაზრდებისთვის – ახალგაზრდების განათლების, დასაქმებისა და ჩართულობის ხელშეწყობა საქართველოსა და უკრაინის კონფლიქტით დაზარალებულ რეგიონებში“ ფარგლებში, საქართველოს ეროვნული უნივერსიტეტ სეუ-ს მხარდაჭერით, ხორციელდება.
ფორუმი ეძღვნება ახალგაზრდების დასაქმებისა და თვითდასაქმების პერსპექტივების განხილვასა და რეკომენდაციების მომზადებას შესაბამისი სამთავრობო უწყებებისათვის.
ფორუმის 160 მონაწილე, პრობლემების იდენტიფიცირების, პრიორიტეტების გამოვლენისა და რეკომენდაციების შემუშავების მიზნით, მცირე ჯგუფებში იმუშავებს.
ფორუმის საორგანიზაციო და პროცედურული უზრუნველყოფისათვის ფასილიტატორთა ჯგუფი უკვე გადამზადდა – მათ ღონისძიების მიმდინარეობისა და ამოცანების შესახებ დეტალური ინფორმაცია მიიღეს.
