19 დეკემბერს პროექტის „ჩემი სახლის მმართველი – მომავლის მშენებლობისთვის“ ფარგლებში ვორქშოპი გაიმართა

ვორქშოფის დასაწყისში პროექტის განმახორციელებელი ორგანიზაციების განათლების განვითარების და დასაქმების ცენტრისა და საქველმოქმედო ჰუმანიტარული ცენტრი ,,აფხაზეთის“ წარმომადგნელები პროექტით განხორციელებული აქტივობების პრეზენტაცია გამართეს.

შეხვედრას პროფესიული სასწავლებლების, სოციალური მომსახურების სააგენტოს, აჭარის ა/რ დასაქმების სააგენტოს, საქართველოს ოკუპირებული ტერიტორიებიდან დევნილთა, შრომის ჯანმრთელობისა და სოციალური დაცვის სამინისტროს, ადგილობრივი თვითმმართველობების წარმომადგნელები საქართველოში მომუშავე აქტიური დეველოპერები/დამსაქმებლები ესწრებოდნენ.

მონაწილეებმა ჰაუსმასტერის კურსის სასწავლო მოდულების პრეზნეტაცია წარადგინეს, რომლებიც სამშენებლო კოლეჯთან „კონსტრუქტ2“ თანამშრომლობით და გერმანულ გამოცდილებაზე დაყრდნობით განათლების განვითარების და დასაქმების ცენტრმა (EDEC) შეიმუშავა.

მომზადდა სამი მოდული: უსაფრთხოების სავალდებულო ღონისძიებები უსაფრთხო საცხოვრებელი გარემოს შექმნისთვის-საფრთხეების და რისკების კონტროლი; შენობა-ნაგებობაში არსებული საკომუნიკაციო სისტემების ტექნიკური ექსპლუატაცია და დეფექტების აღმოფხვრა; შენობა-ნაგებობის ტექნიკური ექსპლუატაცია და დეფექტების აღმოჩენა.

პროექტის მიზანია ზრუნვაზე ორიენტირებული ახალი სერვისების მხარდაჭერა და ჰაუსმასტერის (შენობა-ნაგებობათა ტექნიკური მენეჯერი) პროფესიის დანერგვა საქართველოში.

პროექტის სამიზნე ჯგუფებია ახალგაზრდები, პროფესიული კოლეჯებისა და ბინათმესაკუთრეთა ამხანაგობის წარმომადგენლები, ასევე გადაწყვეტილების მიმღები პირები.

პროექტი „ჩემი სახლის მმართველი – მომავლის მშენებლობისთვის“ არასამთავრობო ორგანიზაციის კოალიციის: „ინიციატივა ბინათმესაკუთრეთა ამხანაგობებისთვის აღმოსავლეთ ევროპაში“ (IWO e.V), განათლების განვითარების და დასაქმების ცენტრის (EDEC), საქველმოქმედო ჰუმანიტარული ცენტრის „აფხაზეთი“ (CHCA) მიერ, გერმანიის საგარეო საქმეთა სამინისტროს მხარდაჭერით, ხორციელდება.

„პროექტის მიზანი  წალკის მუნიციპალიტეტში არსებული პრობლემების: ცხოველების დაცვა და განათლების ხარისხის გაუმჯობესება  წვლილის შეტანა იყო“. –  ბარეთის საჯარო სკოლის საინიციატივო ჯგუფის ხელმძღვანელი მარიამ ელოშვილი
ტენდერი გამოცხადებულია განათლების განვითარების და დასაქმების ცენტრის პროექტის „უკრაინაში, მოლდოვაში, საქართველოსა და სომხეთში მცხოვრები ახალგაზრდების კარიერის მართვის და სოციალური მეწარმეობის უნარების განვითარება, სოციალური სტუდენტური
ქუთაისის ი.გოგებაშვილის პირველი საავტორო სკოლის  მე-11 კლასის მოსწავლე ელისაბედ გოშხეთელიანი, EDEC-ის მიერ შექმნილი ონლაინ სწავლების პლატფორმის elearning.edec.ge პირველი კურსდამთავრებულია, რომელმაც წარმატებით გაიარა ონლაინ კურსი „ყველაფერი
Skip to content