სამტრედიის დღის ცენტრში სენსორული თერაპიის ოთახი გაიხსნა

23 აპრილს ქალაქ სამტრედიაში განათლების განვითარების და დასაქმების ცენტრის (EDEC) მიერ ადმინისტრირებულ შეზღუდული შესაძლებლობის მქონე ბავშვთა დღის ცენტრში „ლამპარი“ სენსორული ინტეგრაციის თერაპიის ოთახის გახსნის ღონისძიება გაიმართა.

სენსორული ოთახი „ქალთა საერათაშორისო ასოციაცია საქართველოს“ ფინანსური მხარდაჭერით მოეწყო.

ცენტრის ბაზაზე სენსორული თერაპიის დანერგვა, ბენეფიციარების განმუხტვას, სტრესის და დაძაბულობის შემსუბუქებას, ემოციური და მენტალური ჯანმრთელობის გაუმჯობესებას შეუწყობს ხელს, რაც თავის მხრივ, აამაღლებს შეზღუდული შესაძლებლობის მქონე ბავშვთა დღის ცენტრის სარეაბილიტაციო მომსახურების ხარისხს.

ოთახის საზეიმოდ გახსნას ასოციაციის წევრები, სოციალური მუშაკები და ადგილობრივი თვითმმართველობის წარმომადგენლები დაესწრნენ. მათ საშუალება ჰქოდათ უფრო ახლოს გაეცნოთ დღის ცენტრის საქმიანობები.

განათლების განვითარების და დასაქმების ცენტრი, სოციალური რეაბილიტაციის და ბავშვზე ზრუნვის სახელმწიფო პროგრამის ფარგლებში, ადმინისტრირებას უწევს ქუთაისის, სამტრედიის, თერჯოლის და საგურამოს დღის ცენტრებს. დღის ცენტრები ინდივიდუალურ, ფუნქციონალურ, აკადემიურ და სოციალურ უნარებზე მორგებულ მომსახურებას აწვდის 6-18 წლის ასაკის ათეულობით ბავშვს და მათ ოჯახებს.

რეგულაციების სრული დაცვით დღის ცენტრების ოპერირება ორგანიზაცია „რენოვაბის“ (გერმანიის კათოლიკეთა სოლიდარობის ინიციატივა ცენტრალურ და აღმოსავლეთ ევროპაში) მიერ მხარდაჭერილი პროექტის ფარგლებში გახდა შესაძლებელი.

2022 წლის 24 მაისს, გურიაში, ევროკავშირის ელჩთან გამართულ შეხვედრაზე, განათლების განვითარების და დასაქმების ცენტრის (EDEC) გამგეობის თავმჯდომარემ ლიკა კილაძემ პროექტის ,,ისწავლე დასაქმებისთვის’’ მიმდინარე შედეგების
10 მაისს, განათლების განვითარებისა და დასაქმების ცენტრმა (EDEC) თავისუფალ ჟურნალისტთა სახლთან ერთად, ბათუმის მუნიციპალიტეტის მერიის განათლების, კულტურის, სპორტისა და ახალგაზრდობის სამსახურთან ურთიერთანამშრომლობის მემორანდუმს მოაწერა
ლაშა ტარუაშვილი, ბიზნესის ადმინისტრირების ფაკულტეტის კურსდამთავრებულია. ის ამჟამად  გორში, სასტუმრო ,,ლაქი”– ში ადმინისტრატორის პოზიციაზე მუშაობს. ყველაფერი კი ასე დაიწყო. დასაქმების ცენტრის შესახებ მან მეგობრისგან
Skip to content