6 თებერვალს პროგრამა „მომავლის თაობა” წლის შემაჯამებელი ღონისძიება გაიმართა

განათლების განვითარების და დასაქმების ცენტრმა (EDEC) პროგრამის „მომავლის თაობა” ფარგლებში 2019 წელს განხორციელებული საქმიანობები შეაჯამა.

ღონისძიება განათლების განვითარების და დასაქმების ცენტრის (EDEC) აღმასრულებელმა დირექტორმა ნათია ნამიჭეიშვილმა და პროგრამის „მომავლის თაობა“ წარმომადგენელმა თამარ ფრუიძემ გახსნეს.

2019 წლის პირველ ნახევარში პროგრამის ფარგლებში განხორციელებული აქტივობების შედეგები განათლების განვითარების და დასაქმების ცენტრის (EDEC) აღმასრულებელმა დირექტორმა ნათია ნამიჭეიშვილმა შეაჯამა. სამოქალაქო განათლების პედაგოგთა ფორუმის საქმიანობის შესახებ, სამოქალაქო განათლების პედაგოგთა ფორუმის წარმომადგენელმა იმერეთსა და რაჭა-ლეჩხუმი-ქვემო სვანეთის რეგიონებში მაკა კაჭკაჭიშვილმა ისაუბრა.

შემაჯამებელ ღონისძიებაზე პანელური დისკუსია მოეწყო. მონაწილეებმა იმსჯელეს თემაზე „თანამშრომლობა, როგორც სამოქალაქო განათლების პრაქტიკული სწავლების საუკეთესო შესაძლებლობა“ დისკუსიას მოდერაცია ილია ყიფშიძემ, ჭიათურის მუნიციპალიტეტის სოფელ ქვაციხის საჯარო სკოლის კლუბის ლიდერმა გაუწია.

ღონისძიების ფარგლებში ასევე გაიმართა დისკუსია ადრეული ქორწინების შესახებ. დღის დასასრულს ქუთაისის №36 საჯარო სკოლის სამოქალაქო კლუბმა „ART სხივი“ ფორუმ–თეატრი ბულინგის თემაზე გამართა.

პროგრამა „მომავლის თაობა” მიზნად ისახავს სკოლებში სამოქალაქო განათლების სასწავლო პროგრამის გაუმჯობესებას, მოსწავლეების მიერ სამოქალაქო განათლების გაკვეთილზე მიღებული ცოდნის პრაქტიკაში გამოყენებას.

პროგრამა ხორციელდება საქართველოს განათლების და მეცნიერების სამინისტროს ხელშეწყობით და აშშ საერთაშორისო განვითარების სააგენტოს (USAID) დაფინანსებით ამერიკული ორგანიზაცია PH International- ის მიერ. იმერეთში პროგრამას განათლების განვითარების და დასაქმების ცენტრი (EDEC) ახორციელებს.

2024 წლის 14 თებერვალს, ტყიბულის მუნიციპალიტეტის მერიაში, განათლების განვითარების და დასაქმების ცენტრმა (EDEC), ფონდ „აფხაზინტერკონტთან“ (AIC) პარტნიორობით, პროექტის „მოქალაქეები ადგილობრივი განვითარებისთვის“ ფარგლებში საინფორმაციო შეხვედრა
2024 წლის 12 თებერვალს, ონის მუნიციპალიტეტის მერიაში, განათლების განვითარების და დასაქმების ცენტრმა (EDEC), ფონდ „აფხაზინტერკონტთან“ (AIC) პარტნიორობით, პროექტის „მოქალაქეები ადგილობრივი განვითარებისთვის“ ფარგლებში საინფორმაციო შეხვედრა
„მონაწილეობა და აქტიური მოქალაქეობა გულისხმობს უფლებების, საშუალებებისა და შესაძლებლობათა ქონას, ასევე საჭიროებათა შემთხვევაში მხარდაჭერას გადაწყვეტილებების მიღების პროცესში სათანადო ჩართულობით. ახალგაზრდების მონაწილეობა აღიარებული უფლებაა საერთაშორისო
Skip to content