7 აპრილს ჯანმრთელობის მსოფლიო ორგანიზაციის (WHO) ინიციატივით ჯანმრთელობის მსოფლიო დღე აღინიშნება.
კამპანიის მიზანია მოსახლეობის ცნობიერების ამაღლება და მსოფლიო ლიდერების ყურადღების გამახვილება, რომ თითოეულ ადამიანს, განურჩევლად რასისა, რელიგიისა, პოლიტიკური შეხედულებისა თუ ეკონომიკური და სოციალური მდგომარეობისა, აქვს უფლება მიიღოს ხარისხიანი სამედიცინო მომსახურება.
ჯანმრთელობის მსოფლიო დღის წლევანდელი დევიზია: “ერთად შევქმნათ უფრო სამართლიანი, ჯანმრთელი მსოფლიო ყველასთვის”.
