კახეთში, ევროკავშირის მიერ დაფინანსებული პროექტის „ისწავლე დასაქმებისთვის“ ფარგლებში, განათლების განვითარების და დასაქმების ცენტრმა (EDEC), თემაზე “სექტორთა შორისი თანამშრომლობა დასაქმებისთვის” სამუშაო შეხვედრა გამართა, რომლის  მიზანი იყო დასაქმების სექტორში არსებულ პრობლემებზე და მდგომარეობის გაუმჯობესების გზებზე მსჯელობა. შეხვედრაში მონაწილეობდნენ მაღალი რანგის ხელმძღვანელი პირები ცენტრალური და ადგილობრივი სამთავრობო ორგანიზაციებიდან, ადგილობრივი და საერთაშორისო არასამთავრობო ორგანიზაციებიდან და საქართველოს პარლამენტიდან.

შეხვედრის პირველ ნაწილში, მონაწილეებმა განიხილეს შრომის ბაზარის გამოწვევები და შესაძლებლობები, დასაქმების სახელმწიფო პოლიტიკა და საშუამავლო სერვისების მიწოდების კუთხით არსებული მდგომარეობა.

მეორე ნაწილი დაეთმო, დასაქმებისთვის პროფესიული განათლებისა და კარიერული ორიენტაციის სერვისების როლზე მსჯელობას,  კარიერის დაგეგმვის გერმანული ინსტრუმენტის „ნავიგატორისა“  და პროფესიული განათლების სისტემის ინოვაციური მართვის მოდელის წარდგენას.

ხოლო მესამე ნაწილში მონაწილეებმა იმსჯელეს დასაქმების ხელშეწყობისთვის კოორდინაციისა და სოციალური დიალოგის მნიშვნელობაზე. ასევე, აჭარის ავტონომიური რესპუბლიკის დასაქმების სააგენტომ წარადგენა შრომის ბაზრის განვითარების საკოორდინაციო (მრჩეველთა) საბჭოს საქმიანობის პრაქტიკა.

პროექტს „სწავლა, წვრთნა, მიღწევა და კავშირების დამყარება დასაქმებისთვის! (ისწავლე დასაქმებისთვის!)“ განათლების განვითარების და დასაქმების ცენტრი (EDEC), თელავის განათლების განვითარების და დასაქმების ცენტრთან (TEDEC), აჭარის ავტონომიური რესპუბლიკის დასაქმების სააგენტოსთან (EAARA), ფონდ „აფხაზინტერკონტი“-სა (AIC) და გურიის ახალგაზრდულ რესურსცენტრთან (GYRC) ერთად ახორციელებს.